Atentati ndaj Plaurent Dervishaj/ 'Heroi' i ngjarjes, Haxhia tërhiqet nga këkesa për të lënë qelinë

Atentati ndaj Plaurent Dervishaj/ 'Heroi' i ngjarjes, Haxhia tërhiqet nga këkesa për të lënë qelinë

DURRËS- Pas pesë seancash gjyqësore të zhvilluara në gjykatën e Durrësit, Bashkim Haxhia,njeriu i vetëm i arrestuar nga policia në ngjarjen e atentatit me armë ndaj Plaurent Dervishaj dhe Julian Meçe, është tërhequr nga kërkesa për lirim nga qelia. Gjyqtari Rexhep Bekteshi ka vendosur të pushojë kërkesën e Haxhisë, i cili hoqi dorë nga kërkesa e parë për revokimin dhe zëvendësimin e "Masës së sigurimit" nga ajo "Arrestit në burg" në "Arrest në shtëpi" ose "Detyrim për tu paraqitur" pranë policisë gjyqësore.

Në fakt Haxhia në atentatin me 43 plumba ka qenë në të njëjtën makinë tip “Range-Rover” me Dervishaj dhe Meçen, ku konsiderohet si palë e dëmtuar dhe dëshmitari kyç për prokurorinë në këtë ngjarje. Por mbajtja me vete e një pistolete pa lejë dhe goditja të 6 plumbave, ka sjellë arrestimin e Bashkim Haxhisë, i cili prej muajit qershor e në vijim, qëndron i izoluar në ambientet e burgut të Durrësit.

Gjatë deklarimit të parë dhënë në policinë e Durrësit, Bashkim Haxhija, nuk ka pranuar që të ketë pasur me vete armë zjarri pistoletë në vendin e ngjarjes dhe ka shtuar se në vendin, ku u kishin zënë pritë për t’i vrarë, ka arritur të shikojë si hije vetëm një person me mjekër, pranë murit të qendrës shëndetësor në Koxhas, të Shijakut, në kohën që në drejtim të automjetit ku ndodhej bashkë më të dëmtuarit Plaurent Dervishi e Juljan Meçe, është qëlluar me armë zjarri me breshëri për t’i vrarë.

Në sulmin me armë të 20 qershorit 2019 në Durrës, Plaurent Dervishaj, Julian Meçen dhe mikun e tyre Bashkim Haxhija, i ka shpëtuar vetëm zoti dhe askush tjetër. Kjo pasi dy persona, që momentalisht ende nuk janë identifikuar nga policia e Durrësit, kanë lëshuar mbi ta, nga një distancë shumë e afërt, plot 43 plumba nga dy kallashnikovë dhe sërish ata, nuk kanë mundur ta çojnë deri në fund porosinë e marë, ekzekutimin e Plaurent Dervishaj. Të tre personazhet shumë të njohur në Durrës dhe me probleme me drejtësinë Shqiptare, kanë mundur ti shpëtojnë paq një super atentati të mirë organizuar dhe përgatitur në çdo detaj. shprehu angazhimin për të  mbështetur procesin e zgjerimit.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Investimi i dhëndrit të Trump në Sazan, jeni dakord?



×

Lajmi i fundit

Çfarë mendojnë shqiptarët për investimin e dhëndrit të Trump? Kush po fiton? Nesër, ora 21:00, sondazhi politik i Report Tv me Zaloshnjën

Çfarë mendojnë shqiptarët për investimin e dhëndrit të Trump? Kush po fiton? Nesër, ora 21:00, sondazhi politik i Report Tv me Zaloshnjën