Atentatori i Lul Berishës dëshmon në gjykatë: Dy persona më kërkuan të kryeja vrasjen, ja pse u vetëplagosa

TIRANË- Ka dëshmuar sot në Gjykatën për Krime të rënda, Ahmet Ajeti i dënuar për tentativë vrasje ndaj Lulzim Berishës. Gazetari i Report Tv Arsen Rusta raporton se, Ajeti ka mohuar akuzën duke thënë se kishte ardhur në Tiranë për punë bashkë me Osman Korpuzin dhe kur kishin kërkuar punë në një hotel, dy persona e kanë kontaktuar dhe thënë se kishin punë për ta.

Më tej, ka vijuar Ajeti, këta persona i kanë mbyllur në një hotel në Durrës, ku i kanë thënë se duhet të vrisnin një person për ta, ose ndryshe nuk do largoheshin më.

"Për të shpëtuar nga kjo situatë unë kam plagosur veten", ka deklaruar Ajeti duke mohuar njohjen me Lulzim Berishën, për të cilin tha se e kishte parë për herë të parë në gjyq.

Ajeti tha se nuk njeh asnjë nga personat që përmenden nga Prokurori dhe që janë dënuar si pjesë e bandës së Durrësit.

Ahmet Ajeti u ekstradua nga Interpol Tirana më 20 korrik të vitit të kaluar nga Prishtina në Rinas dhe nga ajo ditë mbahet i izoluar në qelitë e burgut 313 në Tiranë. Dyshohet se ekzekutimin e Lulzim Berishës nw vitin 2005, Ajeti do ta bënte për llogari të grupeve rivale të cilët një dekade më parë përplaseshin mes tyre.

Në afërsi të kafenesë ku ndodhej Lul Berisha, Ajeti u konfliktua me disa persona të tjerë dhe në konfortim e sipër ka plagosur veten e tij me pistoletë.

Vetë Lulzim Berisha kreu disa vite burg për akuzat e grupit të strukturuar kriminal ndërsa u lirua me kusht nga drejtësia shqiptare.

TAG:
• lulzim berisha
• ahmet ajeti
• lul berisha
• atentati ndaj lul berishes