POP 5

Lajmet më të lexuara të 5 minutave të fundit

Sociale

Athinë/ Kryepiskopi Anastas del nga operacioni, qëndron i intubuar në reanimacion

Gjendja e Kryepiskopit të Shqipërisë, Anastas është përkeqësuar. Sipas njoftimit të spitalit 'Ungjillëzimi' në Athinë, situata shëndetësore e Fortlumturisë së tij është përkeqësuar në mënyrë të menjëhershme, për të cilën është futur në intubim. Kryepiskopi doli nga operacioni dhe është i intubuar në reanimacion.

Athinë/ Kryepiskopi Anastas del nga operacioni, qëndron i intubuar në reanimacion

Kryepiskopi Anastas

ATHINË - Gjendja e Kryepiskopit të Shqipërisë, Anastas është përkeqësuar. Siç bën me dije Kisha Orthodhokse e Shqipërisë, gjendja e Fortlumturisë së tij është përkeqësuar në mënyrë të menjëhershme, sipas edhe njoftimit të spitalit Ungjillëzimi në Athinë, ku Kryepiskopi është shtruar që në datën 3 janar.

Burime për Shqiptarja.com thanë se Kryepiskopi iu nënshtrua një operacioni delikat dhe tashmë është i intubuar në reanimacion. 

Kryepiskopi Anastas fillimisht u shtrua më datën 30 dhjetor 2024 në një spital privat në Tiranë, për shkak të një viroze stine. Më pas gjendja e tij u përkeqësua për shkak edhe të një gjakderdhjeje në sistemin e aparatit tretës, për të cilën u dërgua në Athinë më 3 janar, ku u shtrua në spitalin Ungjillëzimi. Prej kësaj date gjendja shëndetësore e Kryepiskopit është përkeqësuar, teksa mjekët kanë qenë skeptik edhe për një ndërhyrje kirurgjikale për shkak të moshës madhore të Fortlumturisë së tij (95 vjeç).

Megjithatë dy ditë më parë Kryepiskopi pati një përmirësim të ndjeshëm sipas spitalit në Athinë. Por mesa duket sot gjendja e tij është përkeqësuar. Gjatë kësaj jave, në spital ka patur vizitorë të shumtë, si kryeministri grek dhe Kryepiskopi i Athinës, por edhe vizita nga ministri i Jashtëm grek dhe ambasadorja shqiptare në Athinë. 

Njoftimi i spitalit 'Ungjillëzimi' në Athinë për gjendjen e Kryepiskopit Anastas

G.K/SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

SHBA-ja sanksionon industrinë serbe të naftës për shkak të pronësisë ruse

SHBA-ja sanksionon industrinë serbe të naftës për shkak të pronësisë ruse

10 Janar, 17:21