Audio e komunikimit të gardistëve më 21 janar, grupi hetimor në shtëpinë e familjarëve të Aleks Nikës! Merren në pyetje babai dhe xhaxhai i tij

LEZHË - Grupi hetimor ka mbërritur në shtëpinë e Aleks Nikës për të marrë në pyetje babain dhe xhaxhain e tij pasi kanë deklaruar se kanë në pronësi një audio përgjim të komunikimit të gardistëve më 21 janar 2021, bën me dije gazetarja e Report Tv Keti Banushi. Teksa prokuroria e Tiranës vijon hetimet lidhur me audion e pretenduar për bisedën e gardistëve, familjarët kërkojnë drejtësi për vrasjen e Aleks Nikës, një nga 4 protestuesit opozitarë që mbeti i vdekur nga armët e punonjësve të shtetit.

Një ditë më parë, xhaxhai Mark Nika konfirmoi për Report Tv se kishte zhvilluar një takim me kreun e SPAK, Altin Dumanin, të cilit i kishte kërkuar që çështjen ta marrë Prokuroria e Posaçme.

Në një bisedë ekskluzive për Report Tv, Mark Nika, tha se që prej muajit korrik 2022 ka në dorë audio-përgjimin, në të cilin është komunikimi mes gardistëve në momentin që ata hapën zjarr drejt protestuesve më 21 janar. Mark Nika u shpreh se nuk e dorëzon para drejtësisë nëse kjo çështje nuk i kalon SPAK, pasi nuk ka besim tek Prokuroria e Tiranës. Nika tha se i ka thënë Dumanit se kanë frikë ta dorëzojnë këtë audio-përgjim në Prokurorinë e Tiranës pasi ajo mund të deformojë provat.

“Prokuroria ka bërë një kallëzim dhe do të shërbejë si një indicie për të përshpejtuar tërheqjen e hetimeve nga SPAK. SPAK-u e di. E ka bërë shteti tani kallëzimin. Na ka humbur besimi. Të kemi bindjen që SPAK-u nuk do të bëjë lëshime. Te Prokuroria e Tiranës nuk kemi besim. Ka pasur shumë materiale. Prokuroria e Tiranës ka dijeni se plumbi është gjetur në kokë dhe është deformuar ekspertiza. Kam fol në përgjithësi për çështjen. Takimin e kam kërkuar aq sa lejon procedura, të në ndihmojë dhe të kontribuoje që çështjen të tërheqë SPAK-u. Nuk ka punë me gazetarët”, u shpreh Nika.

Ndërkohë, Mark Nika bëri me dije se ishte ai që i kishte dhënë audio-përgjimin gazetarit Artan Hoxha.  Ndër të tjera kërkoi që SPAK të marrë në pyetje edhe ish-kryeministrin Sali Berisha e ish-ministrin e Brendshëm Lulzim Basha. Një përgjigje e pati edhe për ish-kryeministrin Sali Berisha, të cilin i kthen përgjigje duke thënë se audio-përgjimi nuk është i manipuluar duke thënë se i përket prokurorisë të bëjë ekspertimin e zërit.

Prej ditës së premte është publikuar transkriptimi i një dialogu të zhvilluar më 21 janar 2011 nëpërmjet radiove, mes komandantit të Gardës të asaj kohe, Ndrea Prendi dhe disa oficerëve dhe pretendohet se bëhet fjalë për një audio-përgjim që e ka në dorë Mark Nika.

Të dielën u bënë 12 vite nga një prej ngjarjeve që ka shënjuar më së shumti historinë e të paktën këtyre 32 viteve demokraci në Shqipëri, krimi i rëndë i 21 janarit 2011, kur u vranë në Bulevardin ‘Dëshmorët e Kombit’ 4 protestues opozitarë: Aleks Nika, Ziver Veizi, Hekuran Deda dhe Faik Myrtaj.

K.T./A.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

'Doja t'i ngjaja tim eti', Alban Hoxha: Karrierën s'e kam nisur në portë, kam bërë gola

'Doja t'i ngjaja tim eti', Alban Hoxha: Karrierën s'e kam nisur në portë, kam bërë gola