X

POP 5

Lajmet më të lexuara të 5 minutave të fundit

Kronikë

Audio-përgjimi/ Prokuroria sekuestron kamerat e lokaleve në Vlorë, por nuk i gjen 'Babalen' dhe Olldashin

Grupi hetimor do të verifikojë edhe disa kamera sigurie të disa lokaleve në Vlorë, ku gazetari Olldashi dhe Veliu pretendojnë se kanë qëndruar.

Pas marrjes së dëshmive të tre zyrtarëve të Partisë Demokratike, Albert Veliut, Agron Xhafajt dhe gazetarit Jetmir Olldashi, mësohet se Prokuroria e Krimeve të Rënda është përqëndruar në qytetin e Vlorës lidhur me çështjen “Xhafaj”.

Në qytetin bregdetar, sipas audiopërgjimit, janë bërë bisedat e pretenduara mes Albert Veliut e Agron Xhafajt.

Gjithashtu po në Vlorë, gazetari dhe Veliu kanë takuar disa persona, të cilëve u kanë kërkuar të blejnë kanabis.

Në bazë të këtyre të dhënave, dy oficerë të Krimeve kanë qenë në Vlorë, në përpjekje për të identifikuar personat e përmendur në audio-përgjim dhe dëshmi, me qëllim për t’i marrë në pyetje, pasi deponimet e tyre konsiderohen të rëndësishme për hetimin.

Grupi hetimor ka verifikuar edhe pamjet e disa kamerave sigurie të disa lokaleve në Vlorë, ku gazetari Olldashi dhe Veliu pretendojnë se kanë qëndruar, por nga burime mësohet se në këto pamje nuk figuron asnjëri prej tyre.

Mes tyre është edhe lokali ku pretendohet se është bërë përgjimi.

Një tjetër veprim që po kryhet nga Prokuroria është edhe verifikimi i të gjithë efektivët e policisë me emrin Ermal në Vlorë, gjatë viteve 2017-2018.

Sipas audiopërgjimit, Agron Xhafaj e drejton Albert Veliun për të mundësuar trafikun e drogës tek “Ermali’.

Sipas burimeve, kjo do të shërbejë për të verifikuar nëse Ermali është apo jo punonjës policie.

Dyshimet janë për një efektiv me emrin Ermal që mbante postën e Dhërmiut në vitet 2015-2017, por deri tani nuk ka asgjë të verifikuar.

Prokuroria ka sekuestruar të gjithë materialin që gazetari Jetmir Olldashi ka xhiruar dhe pajisjen me të cilën është bërë.

Hetuesit ende nuk kanë vendosur se çdo të bëhet me materialin dhe kur do të bëhet ekspertimi i tij.

Nuk sqarohet nëse do të dërgohet në laboratorin e Policisë Shkencore, apo do të kontraktohet një laborator i huaj.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Ben Tironci: 23/05/2018 16:38

    Po pergjimi eshte improvizuar ne zyrat e GESTAPOS buze Lanes tek SHQUPI.Pse harxhoni kohe forca e mjetee kot. Rrasni brenda Babolen, Olldashin, Alibeajn, ish Ministrin peder**dhe natyrisht kollovarin e Grides Salihanjin dhe ky film me regji te gjaksorit Berishe, mer fund

    Përgjigju
  • Imas: 23/05/2018 10:11

    Konfiskoni kamerat e shqupit per kohen kur babalja thote se ka bere regjistrimin, se aty do ti gjeni. mos kerkoni kot ne vlore.

    Përgjigju
  • Tirona: 23/05/2018 10:00

    Mos u merni me me barbonat e shqupit.Keta jo vetem te ndyr dhe intriganta jan dhe budallenj.Kujt ti besosh nji trafikanti bixhozxhiu mashtrusi apo nje palo gazetar partiak qe shkatron familjen e vet?I besohet ketyre pisave qe sa her dalin ne medija 3 her se thon njesoj nji deklarat.Sa spiuna ordiner ka shqupi far e keqe.

    Përgjigju
  • Fat man: 23/05/2018 03:22

    Pse lodheni te kerkoni surratin e Ba-boles dhe te Olldeles se mos eshte filmuar nga kamerat e lokalit ne Vlore ku pretendohet te jete bere biseda telefonike me Agronin vellajin e Ministrit te Brendeshem Fatmir Xhafaj, te gjitha prapesite dhe audivio jane brenda SHQUP-it. Sekuestroni kamerat e kesaj ndertese qe eshte kthyer ne folene e grerezave per te sulmuar e shkateruar Shqiperine dhe te ardhmen e saj ne BE. Filloni me arrestimin e serbit Sali Kar-axhic, Lulush e me rradhe dhe Shqiperia do te prehet ne paqe e do ti bashkohet BE se asaj i takon.

    Përgjigju
  • Sondazhi i ditës:

    Partia e Mitsotakis kandidon Fredi Belerin për eurodeputet, si e vlerësoni?

Lajme të tjera



×

Lajmi i fundit

Nxënësit artistë të Durrësit vënë në skenë operën gazmore “Dasma e Figaros”, mirëpritet nga publiku

Nxënësit artistë të Durrësit vënë në skenë operën gazmore “Dasma e Figaros”, mirëpritet nga publiku

16 Prill, 11:06 nga Aldo Mustafa