Megjithatë, kur bëhet fjalë për historinë e kësaj bashkëjetese, historianët dhe akademikët gjithmonë e kanë anashkaluar.
Është Sonila Boçi Pepivani ajo që ka kërkuar misterin e heshtjes në faqet e pashkruara të Historisë së Shqipërisë. Pas kërkimeve akademike, Boçi ka botuar librin e saj të parë “Minoritetet në Shqipëri midis identitetit dhe integrimit.”
“Kjo është një monografi e munguar për një kohë të gjatë për studimet historike në Shqipëri, të cilat përgjithësisht janë të fokusuar në korpusin e identitetit kombëtarë të shqiptarëve, të vetë përkatësisë tonë etnike.
Duke lënë mënjanë vetë minoritetet të cilat janë po aq sa urat e bashkëpunimit midis popujve, po aq të rëndësishme për të kuptuar procese të identitetit dhe integrimin e tyre në shoqërinë e sotme”, thotë Drejtori i Muzeut Kombëtarë, Dorian Koçi.
“Të shkruash për minoritetet kombëtare në vendin tënd nuk është aspak e lehtë.”shpjegon autorja Sonila Boçi.
Autorja e librit Sonila Boçi ka rrëfyer edhe për arsyet që ka zgjedhur të trajtojë në librin e saj temën e minoriteteve në Shqipëri.
“Ishte një tematikë që mungonte studimeve shqiptare, besoj e keni të qartë pas viteve 90 këto çështjet e fjetura të minoritetit pas periudhës së komunizmit filluan të dilnin hapur gjithmonë e më shumë” shpjegon Historiania Boçi.
“Ballkani u përfshi nga lufta etnike, sidomos ish-Jugosllavia, të cilët ringjallën tmerret e fillimit të shekullit të 20 me përgjakje dhe luftëra pa fund,” theksoj Boçi.
“Në Shqipëri filluan të dalin gjithmonë e më shumë teza për minoritetet që kërkonin të drejtat, sidomos “Shoqata Omonia”që filloj të nxirrte teza për keq trajtimin e tyre gjatë regjimit komunist,” shpjegoj Boçi.
Libri i Sonila Boccit është promovuar gjatë në Muzeun Historik Kombëtar në kuadër të aktivitetit “Klubi i leximit pranë muzeut” që sjell herë pas here në tryezën e debateve librat që sjellin risi.
Libri i Sonila Boçit “Minoritetet në Shqipëri midis identitetit dhe integrimit” është një studim kyç nga ku mund të shpjegohet edhe dukuria e ringjalljes së konflikteve etnike në Ballkan. Bashkëjetesa e popujve dhe minoriteteve përtej qëndrimeve politike, ky është këndvështrimi i historianes së re.
Redaksia Online
Xh.F/Shqiptarja.com
![](https://www.shqiptarja.com/template/img/sh_logo1.png)