Avokati Kara: Strasburgu i vuri vulën, 21 janari krim shtetëror! Berisha mund t'ia hedhë korrupsionit, por jo aty ku është derdhur gjak

Avokati Romeo Kara i ftuar në “Studio Live” në Report Tv tha se Gjykata e Strasburgut ka vulosur faktin që 21 janari është krim shtetëror.

“Kemi rezultate dhe vlerësime paraprake nga Strasburgu, i ka vënë vulën asaj qe kemi thënë me kohë, është krim shtetëror, duhet të hetohet sepse nuk është bërë hetim i plotë. Këtë hetim detyrimisht duhet ta bëjë SPAK. Tani SPAK është i detyruar. Kemi pasur dy vendime më parë nga gjykata që mbështesin mos-regjistrimin e çështjes nga SPAK.”

Për shumë kohë, nënvizoi Kara, hetimet janë penguar.

“Për mua bien poshtë të gjitha legjendat se personat janë vrarë me armë. Është kontestuar prishja e provave dhe pengimi i hetimit pasi ka pasur konflikt verbal e më tepër se vverbal me prokurorin e përgjithshëm në atë kohë, e nuk është zbatuar nga prokuroria urdhri për arrestimin e gardistëve. Janë prekur serverat për prishjen e provave”.

"Mënyra si është instrumentalizuar kjo vrasje shtetërore nga Berisha... Duke qenë në krye të shtetit si president Berisha në 97 janë vrarë mbi 3700 persona. Me Gërdecin e Bëri Gërdec. Me 21 janarin... Ky njeri është gjakatar, ka një egoizëm për pushtet, e për të tepër që qëndron si alternativë për pushtet. Aty ku është derdhur gjak e ka të vështirë ta mbyllë. Në mos ky SPAK ndoshta një SPAK tjetër do të merret dhe ta zbardhë çështjen”, shtoi më tej Kara në studion e Report Tv.

Lajmi kryesor:

21 janari, Petro Koçi: SPAK i detyruar të hetojë Sali Berishën, u vetëdeklarua përgjegjës! 'Partizani' çështje e vogël para vrasjeve në Bulevard

B.K/SI.E./Shqiptarja.com

TAG:
• studio live