Një tërmet shkatërrues me magnitudë 7.7, i ndjekur 12 minuta më vonë nga një goditje e dytë prej 6.4 rihter, goditi qendrën e Mianmarit, ku dyshohet se do të ketë një katastrofë, me rrezikun e 'mijëra vdekjeve'. Deri tani raportohet për të paktën 144 të vdekur dhe 732 të plagosur.
Epiqendra, sipas institutit gjeozizmik amerikan, ishte pranë Saigang-ut, ku kalon një çarje sizmike që e ndan vendin në gjysmë përgjatë një drejtimi veri-jug, rreth njëzet kilometra nga qyteti historik dhe kryeqyteti antik i Mandalay.
Tërmeti kryesor, i cili filloi në një thellësi prej vetëm 10 kilometrash në orën 14:20 me orën lokale, goditi gjithashtu me efekte të fuqishme në Kinë, në provincën e largët malore të Yunnan dhe mbi të gjitha në Tajlandë, ku në kryeqytetin Bangkok, një mijë kilometra larg epiqendrës, me qindra njerëz raportohen të zhdukur dhe të paktën 10 të vdekur janë konfirmuar. Lëkundjet u ndjenë edhe në Laos dhe Vietnamin fqinjë. Instituti gjeozizmik italian, tha se goditja kryesore ishte 300 herë më e fuqishme se ajo e Amatrice në vitin 2016.
Junta ushtarake, në pushtet në Mianmar që nga viti 2021, ka nisur një apel urgjent për ndihmë humanitare për komunitetin ndërkombëtar. Ndërkohë, burime në ministrinë e jashtme thonë se nuk ka shqiptarë të prekur nga tërmeti në Minamar dhe Tajlandë dhe se situate po ndiqet nëpërmjet ambasadës në Tokio të Japonisë.
Shërbimi Gjeologjik i SHBA-së (USGS) lëshoi një alarm të kuq - duke vlerësuar se vdekjet mund të variojnë nga 1000 deri në 10000, shkruan New York Post. Në Bangkok jetojnë më shumë se 17 milion njerëz.
Ndiqni në zhvillim lajmet më të fundit
Një grua lindi fëmijën e saj në mes të rrugës në Bangkok, pasi spitali në të cilin qëndronte u evakuua pas tërmetit në Mianmarin fqinj.
Pacientja ishte e shtrirë në një barelë ndërsa stafi i spitalit e ndihmoi në lindjen e fëmijës.
Stafi i spitalit u kujdes për pacientët edhe jashtë ambienteve të qendrës shëndetësore.
Ekipet e kërkim shpëtimit janë ende duke asistuar në gjetjen e personave që mund të jenë nën rrënoja. Sipas autoriteteve tajlandeze rreth 100 persona janë shpallur të zhdukur.
Deri më tani numërohen të paktën 144 të vdekur dhe mbi 730 të plagosur nga tërmeti, sipas kreut të qeverisë ushtarake të Mianmarit.
Të paktën 10 persona kanë humbur jetën, 16 janë plagosur dhe mbi 100 rezultojnë të zhdukur në Bangkok pas shembjes së tre ndërtesave në ndërtim si pasojë e tërmetit me magnitudë 7.7 që goditi Mianmarin dhe u ndje edhe në kryeqytetin tajlandez.
Zëvendësguvernatorja e Bangkokut, Tavida Kamolvej, ka përditësuar bilancin e viktimave, ndërsa operacionet e shpëtimit vazhdojnë, përfshirë një ndërtesë pranë tregut të njohur Chatuchak, ku dhjetëra persona janë ende të zhdukur.
Në këtë kullë në ndërtim, e cila u shemb gjatë tërmetit, sipas pamjeve të publikuara në rrjetet sociale, janë gjetur trupat e tetë personave, tha ministri i Brendshëm, Anutin Charnvirakul. Ai shtoi se të paktën 12 persona janë shpëtuar nga rrënojat në këtë zonë, e cila zakonisht frekuentohet nga turistë dhe dashamirës të blerjeve.
Sipas agjencisë Efe, ekipet e emergjencës po përdorin dronë për të përshpejtuar kërkimin e të mbijetuarve, një mision që synojnë ta vazhdojnë deri në orët e para të mëngjesit të nesërm.
Autoritetet kanë përditësuar disa herë numrin e të zhdukurve, por burime të ndryshme zyrtare bien dakord se nën rrënoja mund të jenë të paktën 100 persona.
Në Mianmar, bilanci zyrtar i fundit i viktimave nga tërmeti me magnitudë 7.7, i regjistruar mëngjesin e sotëm, është të paktën 144 të vdekur dhe 732 të plagosur. Lajmin e raporton agjencia Xinhua, bazuar në informacionet e dhëna nga autoritetet e vendit, ku që nga viti 2021 është në pushtet një juntë ushtarake.
Është konfirmuar vdekja e 8 personave në Bangkok, në kantierin e ndërtimit të pallatit që u shemb si pasojë e tërmetit. Lajmin e ka bërë të ditur guvernatori i qytetit, Chadchart Sittipunt, i cituar nga The Guardian.
Mijëra persona dyshohet se kanë vdekur pas një tërmeti të fuqishëm me magnitudë 7.7 që tronditi Azinë Juglindore të premten, duke rrëzuar ndërtesa të larta në Tajlandë.
Skena rrëqethëse u shfaqën me trupa të rreshtuar në rrënoja, ndërsa ekipet e shpëtimit kërkonin të mbijetuarit nga tërmeti, epiqendra e të cilit u zbulua pranë Mandalay, qyteti i dytë më i madh i Mianmarit.
Megjithëse shkalla e vdekjes dhe shkatërrimit nuk ishte menjëherë e qartë, Shërbimi Gjeologjik i SHBA-së (USGS) lëshoi një alarm të kuq - duke vlerësuar se vdekjet mund të variojnë nga 1000 deri në 10000, shkruan New York Post.
Tërmeti i fuqishëm në Myanmar, ka shkundur edhe një tren në një stacion metroje në Tajlandë.
Siç shihet edhe nga pamjet e publikuara shihet se si pasgjerët të habitur dhe nga ana tjetër të panikosur kapin fort njëri-tjetrin teksa goditjet vazhdojnë.
Rruga e çarë nga lëkundjet e tërmetit në Mianmar
Tërmeti që goditi Myanmarin ka pasur një magnitudë 300 herë më të fuqishme se tërmeti në Amatrice të Italisë, në vitin 2016 dhe 8 herë më të lartë se tërmeti më i fortë i regjistruar ndonjëherë në Itali, ai me magnitudë 7.1 në Messina në vitin 1908.
“Thellësisht e tronditur nga tërmeti i fuqishëm që ka goditur Myanmarin dhe Tajlandën. Ky ngjarje shton më tej krizën tashmë të rëndë në Myanmar, ku miliona njerëz kanë nevojë për ndihmë humanitare. BE është në krah të popujve të Myanmarit dhe Tajlandës” shkruan në një postim në rrjetet sociale Përfaqësuesja e Lartë e BE-së për Punët e Jashtme, Kaja Kallas.
Ndërkohë komisionerja Evropiane për Përgatitjen, Menaxhimin e Krizave Hadja Lahbib tha se po monitorohet situata dhe se është aktivizuar sistemi evropian i vëzhgimit satelitor Copernicus për të ndihmuar në vlerësimin e dëmeve.
“BE është e gatshme të ofrojë mbështetje emergjente” tha ajo
Deri tani flitet për 25 të vdekur por shifrat e viktimave parashikohen të shkojnë në qindra.
Rreth njëzet fëmijë kanë mbetur të bllokuar nën rrënojat e një manastiri në Taungoo të Mianmarit,në Azinë Juglindore, një nga zonat ku dëmet e tërmetit kanë qenë më të mëdha.
Sipas burimeve nga mbrojtja civile lokale, shumë ndërtesa janë shembur edhe në Mandalay.
Kryeministrja e Tajlandës, Paetongtarn Shinawatra, ndërpreu një vizitë zyrtare në ishullin jugor të Phuket për një "takim urgjent" pas tërmetit dhe, menjëherë pas kësaj, shpalli gjendjen e emergjencës. Qendra e Rrjeteve të Tërmeteve të Kinës (CENC), informon se tërmeti që ra në orën 14:20 me orën lokale (07:20 në Shqipëri), ka pasur një magnitudë prej 7.9.
Instituti Gjeologjik i SHBA (US Geological Survey) ka lëshuar një alarm të kuq për viktima dhe dëme pas tërmetit me magnitudë 7.7 në Myanmar.
Sipas informacionit në faqen zyrtare, "është e mundur që të ketë shumë viktima dhe dëme të mëdha, dhe katastrofa të jetë shumë e madhe. Agjencia njofton gjithashtu se "është shumë e mundshme që tw jenw mijëra të vdekurit", raporton Sky News.
Lëkundjet e tërmetit me magnitudë 7.7 të shkallës rihter me epiqendër 16 kilometra në veriperëndim të Saigang, në Myanmar, është ndjerë dhe në Bangkok, kryeqytetin e Tajlandës ku është shembur një pallat në ndërtim.
Pamjet e publikuara në rrjetet sociale tregojnë momentin e rrëzimit të qiellgërvishtëses dhe largimin në panik të punëtorëve.
Komente
Lajme të tjera
-
Një çast shprese mes tragjedisë/ 55 orë pas tërmetit, një grua nxirret e gjallë nga rrënojat në Myanmar (VIDEO)
30 Mars, 21:39 -
Tërmeti apokaliptik, në Mianmar është emergjencë për 6,7 milionë fëmijë
30 Mars, 11:37 -
Tërmeti në Mianmar dhe Tajlandë, bilanci thellohet me mbi 1600 të vdekur dhe 200 të zhdukur! Regjistrohen dhe dy lëkundje të tjera nga 5,1 ballë
30 Mars, 07:55 -
Tërmeti i fuqishëm në Azinë Juglindore, mbi 1600 viktima! BE: 2.5 milionë euro ndihmë
29 Mars, 08:41 -
Tërmeti në Myanmar, burime nga Ministria e Jashtme: Deri tani nuk ka shqiptarë të prekur
28 Mars, 14:11 -
Tërmet në Napoli, panik mes qytetarëve/ Plagoset një grua nga rënia e tavanit, mbyllen shkollat
13 Mars, 14:07 -
MotoGP/ Marc Marquez mposht me vështirësi të vëllanë, fiton garën hapëse në Tajlandë
2 Mars, 11:24 -
Jo vetëm Santorini! Greqia nuk gjen paqe, tërmeti 5 ballë shkund Patrën, s’ka raportime për të lënduar
18 Shkurt, 19:25 -
VIDEO/ Tërmet në konferencën për shtyp, frikë te Benfica para ndeshjes së Champions League
18 Shkurt, 14:23 -
Greqi/ Tërmet 4.7 ballë në Malin Athos, lëkundjet ndjehen edhe në Selanik
15 Shkurt, 19:32 -
Tiranë/ Trafikonte kanabis me vlerë 40 mijë euro nëpërmjet postës nga Tajlanda në Shqipëri, arrestohet 25-vjeçari (EMRI)
12 Shkurt, 14:00 -
Stuhi sizmike në Egje/ Shkencëtarët tremben për më të keqen në Santorini: Tërmet 6 ballë që rrafshon ndërtimet, vullkan dhe tsunam
10 Shkurt, 10:45
