Azilkërkuesit, Eurostat: Për 2015 
aplikuan 480 të mitur shqiptarë

Sipas të dhënave të publikuar këtë të hënë në Eurostat janë 90 mijë të miturit nga e gjithë bota që kanë marrë rrugët e Europës në kërkim të azilit vetëm për vitin 2015. Pak më shumë se gjysma e tyre janë afganët. Nga Shqipëria sipas raportit për 2015 kanë aplikuar 455 shqiptarë të mitur drejt Britanisë së Madhe, 10 drejt Irlandës dhe 15 drejt Luksenburgut.

Më shumë se një milion banorë iu larguan luftrave dhe varfërisë në Lindjen e Mesme dhe Afrikën veriore, me synimin për të gjetur strehë në Europë gjatë vitit të kaluar. E teksa kjo shifër është thuajse dyfishi i atyre të para dy viteve, pra vitit 2014, numri i të miturve të pashoqëruar është katërfishuar, siç mësohet nga shifrat e agjencisë europiane “Eurostat”.

Të miturit përbënin rreth një të tretën e 1,26 milionë aplikimeve të para për azil, të dorëzuara në shtetet e Bashkimit Europian vitin e kaluar.

Vendet e BE-së janë futur në një ngërç për shkak të mosmarrëveshjeve sesi ta zgjidhin këtë krizë emigracioni në Europë, më e rënda që prej Luftës së Dytë Botërore, ndërkohë që edhe ndjenjat antiemigracion janë rritur së tepërmi, e këtu nuk bëjnë përjashtim vendet që tradicionalisht kanë qenë bujarë sa i përket ndihmës së njerëzve që vinin me statusin e refugjatit.

Në vitin 2015 shkruan Raporti  një shumicë e konsiderueshme e të miturve të pashoqëruar ishin meshkuj ( 91 % ) më shumë se gjysma ishin të moshës 16 deri në 17  kurse ata të moshës 14 deri 15 llogariten për 29% ( 25 800 persona ).

Redaksia online
(s.m/shqiptarja.com)