Eliza është nëna e dy fëmijëve, djalit me emrin Xhoni, i cili është 10 vjec dhe vajzës me emrin Daniela e cila është 5 vjece. Prej shumë vitesh ajo jetoi në Greqi, nën dhunën e vazhdueshme që ushtronte ndaj saj i shoqi Mimet Zeqaj. Për këtë arsye ajo vendosi ta divorcojë Mimetin duke i kërkuar zgjidhjen në martesë, në fillim të nëntorit të këtij viti. Në këtë cast ai i kërkon Elizës, që t'i lërë kohë sa të gjente një strehë tjetër, një shtëpi me qera. Pasi Eliza i kërkoi divorcin, më datë 11 nëntor të vitit 2018, Mimeti i thotë bashkëshortes se do ikte bashkë me fëmijët tek e motra, e cila gjithashtu jeton në Greqi. Eliza pranon dhe Mimeti kalon kufirin. Ai nuk shkon tek e motra në Greqi, sikundër i kishte pohuar Elizës, por në fshatin Adbunace të komunës Frakull në Levan të Fierit, tek prindërit. Ndërsa ishte larguar Mimeti, i kishte grisur pasaportën të shoqes që ajo të mos kishte mundësi të kthehej në Shqipëri. Tashmë prej tij, Eliza merr mesazhe të vazhdueshme kërcënimi, ku i shoqi i thotë se nuk do të ketë mundësi të shohë fëmijët e tyre. Këto të fundit kanë lënë shkollën dhe kopështin, pasi mbahen të izoluar nga babai i tyre Mimeti.
Eliza, e kontaktuar nga shteti fqinj grek, rrëfeu në studion “Pa Gjurmë” se ish-bashkëshorti e ka dhunuar në shumë raste në sytë e fëmijëve të saj të vegjël. “Ka përdorur dhunë, më ka dhunuar shumë rëndë. Vajza ishte për herë të parë në gjumë, por herë të tjera më ka gjuajtur në sy të vajzës, të cilën ma ka shkatërruar psikologjikisht”, tha Eliza, duke shtuar se fëmijët i kanë kërkuar më shumë se sa një herë që të divorcohej nga i ati i tyre. Ajo u shpreh më tej, duke thënë se e kishte paralajmëruar ish-bashkëshortin që të mos e dhunonte më, pasi ishte shtatzënë. “Më tha ‘u bë fytyra jote të më denoncosh, po unë të rrjep fytyrën’”, vijoi Eliza.
Pasi përshkroi sesi e kishte mashtruar Mimeti për t’ia marrë fëmijët e për t’i kaluar në territorin shqiptar, Eliza tha se ishte njohur me itinerarin e tij fillimisht nga djali i tij dhe më pas nga një punonjës i ambasadës shqiptare. “Mami, më thotë, kam ardhur në Shqipëri me taksi. Interesohem më pas në ambasadën shqiptare dhe një i madh aty më thotë që në doganën greke nuk është regjistruar, por vetëm në atë shqiptare, konkretisht në orën 20:00 të darkës”, tha Eliza. Duke cilësuar se ka dy javë që nuk i sheh fëmijët, Eliza u shpreh se arsyeja është sepse Mimeti i ka kërkuar rroba për to dhe ajo nuk ia ka arritur t’ia mundësojë. ‘’I kam thënë që ashtu siç i more, ashtu dili për zot”, tha ajo, duke thënë më tej se nuk udhëton dot drejt fëmijëve pasi dokumentet të cilat ja mundësonin diçka të tillë ia ka djegur ish-bashkëshorti.
Pak caste më vonë, moderatorja e emisionit, Odeta Dume kontaktoi Mimet Zeqajn, ish-bashkëshortin e Elizës. Ky i fundit e pranoi se fëmijët i ka kaluar nëpërmjet Kakavijës, por theksoi se arsyeja e vendimarrjes së tij për t'i sjellë fëmijët në Shqipëri kanë qenë sipas tij sjelljet imorale të Elizës.
"Kam kaluar nga dogana, në mënyrë të ligjshme, nga Kakavija. Nga Athina për në Fier. Nëqoftës është nënë dhe i do fëmijët, mund t’i dërgojë rrobat sikurse i kam thënë. Plus i kam thënë të flasi sa herë të dojë ,por përderisa nuk i sjell rroba tregon që nuk i do fëmijët aspak si nënë. Kam një vajzë 5-6 vjeçe. Kur mendoja që rrinte në shtëpi me një nënë që të fuste këdo në shtëpi, nuk e mendoja dot që të ishte dhe vajza ime brenda."- u shpreh Mimeti.
Ai i hodhi poshtë akuzat se zënkat midis tij dhe Elizës kanë filluar për pronë, sikurse rrëfeu kjo e fundit. "Nuk kam nevojë, kam një vilë, një lokal dhe një makinë, nuk kam nevojë për pronën e saj. Por me një nënë që bredh kur të dojë si të dojë, nuk mund ta lë të më prishi shtëpinë."- u shpreh më tej Mimeti , duke hedhur poshtë edhe pretendimet se ia ka djegur dokumentat.
Lajme të tjera
-
Ekskluzive/ I vranë të birin, babai i Martin Canit flet për Report Tv pas protestës: E pabesueshme, falënderoj shqiptarët që ma lehtësojnë këtë dhimbje (VIDEO)
21 Nëntor, 16:16 -
Historia në Lushnje/ Në burg për përdhunimin e një vajze, fëmijët e 63 vjeçarit në 'Pa Gjurmë' kërkojnë drejtësi për të atin
12 Korrik, 17:28 -
U gjet i pajetë me tatuazhin ‘Korça’ në Belgjikë, thirrje për identifikimit e shqiptarit në 'Pa Gjurmë’! Mister shkaqet e vdekjes, dyshohet se familja ndodhet në Shqipëri
25 Qershor, 16:27 -
Ndodh e papritura në ‘Pa Gjurme’! Nëna dhe babai kërkojnë djalin e humbur, i riu i suprizon live: Jam mirë
29 Maj, 18:10 -
Pas apelit në ‘Pa Gjurmë’, bebja 11 muajshe e braktisur strehohet në Shtëpinë e Foshnjes! Koçiu: E trazuar nga ngjarja! Denonconi çdo rast
10 Prill, 15:53 -
Ekskluzive/ 'O marr atë o vetëflijohem!’ Babai i 14 vjeçares që u martua me 35 vjeçarin flet për ‘Pa Gjurmë’: Ma rrëmbeu, e pranova nga e keqja
12 Janar, 16:52 -
Varrimi i 33 vjeçarit që u vra nga kunati se abuzoi seksualisht me vajzën e tij, mungon motra, gruaja e autorit! Nuk shkojnë as shokët e viktimës: Ndihemi të turpëruar
12 Janar, 16:14 -
29-vjeçari Angjelo Avdiu u gjet i varur në Greqi, i vëllai në ‘Pa Gjurmë’: E njoha vetëm nga çakmaku! Ja çfarë dyshon policia
27 Nëntor 2023, 16:15 -
Gjashtë muaj pas vdekjes së Brisilda Nexhipit, reagon nëna: Vajza nuk bëri aksident, dyshoj se trupi u fsheh në morg!
23 Nëntor 2023, 17:19 -
'Artemis mbahet peng!' Prindërit e 19 vjeçares së zhdukur prej 3 vitesh në Greqi kërkojnë ndihmë në 'Pa Gjurmë'! Letra anonime dhe dëshmitë e reja
1 Nëntor 2023, 18:57 -
Lidhet live nga burgu me ‘Pa Gjurmë’, 37-vjeçari Artur Çollaku kërkon të rilidhet me familjen: Prej 8 vitesh në izolim nuk kam takuar askënd
30 Tetor 2023, 17:10 -
Historia e pabesueshme! U rrëmbye 13 vjeç gjatë luftës në Kosovë, 'Pa Gjurmë' e bashkon me familjen pas 24 vitesh
27 Tetor 2023, 14:15
