POP 5

Lajmet më të lexuara të 5 minutave të fundit

Politikë

Balla: Kur i ati vidhte zgjedhjet
Shkëlzeni fitoi 310 mijë euro/vit

Në një konferencë për shtyp ditën e sotme dpeuteti i PS-së, Taulant Balla është ndalur në dy deklarimet zyrtare të pasurisë sipas Inspektoriatit të Lartë të Deklarimit dhe Kontrollit të Pasurisë të Shkëlqen Berishës, djalit të Kryeministrit. Çifti Berisha-Malltezi më i paguar në Europë  PS: Argita, mësuesja më e paguar në Europë PS: Argita paguhet ta zv/presidenti amerikan Balla: Berisha nuk deklaroi burimin e 10 mln lekëve
Balla: Kur i ati vidhte zgjedhjet <br />Shkëlzeni fitoi 310 mijë euro/vit
TIRANE - Partia Socialiste ka vazhduar edhe ditën e sotme pasqyrimin e deklaratave të pasurisë për familjen e Kryeministrit Sali Berisha. Në një konferencë për shtyp ditën e sotme dpeuteti i PS-së, Taulant Balla është ndalur në dy deklarimet zyrtare të pasurisë sipas Inspektoriatit të Lartë të Deklarimit dhe Kontrollit të Pasurisë të Shkëlqen Berishës, djalit të Kryeministrit.

Sipas Ballës, Shkëlzen Berisha në deklaratat e tij nuk ka deklaruar emertimin e kompanisë se ku janë fituar këto të ardhura. Deputeti socialist thekson se në vitin 2009, vitin kur babai i Shkëlzen Berishës vidhte zgjedhjet i biri shton 310 mijë euro në një vit.

“Shkëlzen Berisha nuk ka deklaruar emërtimin e kompanisë se ku janë fituar këto të ardhura. Në vitin 2009 i biri i Kryeministrit ka deklaruar rritje të depozitave dhe llogarive bankare me 310 mijë euro, ndërsa të ardhurat e tij të deklaruara ishin më pak se 210 mijë Euro. Janë 140 milionë lekë të cilat nuk figurojnë të kenë hyrë në të ardhurat e djalit të Kryeministrit Berisha në vitin kur i ati vidhte zgjedhjet, por që i janë shtuar nëpër llogari të birit të Kryeministrit. Në vitin që Sali Berisha vidhte zgjedhjet, i biri i tij shton llogaritë dhe depozitat me 310 mijë euro” deklaroi Balla.

Balla deklaroi se Shkëlzen Berisha sipas deklarimit të tij të pasurisë ka një aktivitet privat në fushën e pasurive të paluajtshme, prej të cilit vetëm në dy vite ka pasur një fitim prej 350 mijë euro, ose 490 milionë. Deputeti socialist duke bërë një krahasim me shpërblimin e fundvitit që qeveria ka premtuar t’u japë pensionistëve u shpreh: “Pak minuta më parë Kryeministri tha se do t’u japë pensionistëve çerek gjeli shpërblim, vetëm 20 mijë lekë. Ndërkohë që i biri i tij fiton sa shuma totale e shpërblimit të 25 mijë pensionistëve”.

Më tej deputeti Balla ka kërkuar nga Shkëlzen Berisha të japë përgjigje urgjente të ILDKP për parregullsitë, duke theksuar se i referohen gjithmonë deklarimeve zyrtare.

“Djali i Kryeministrit duhet të japë urgjentisht përgjigje në Inspektoriatin e Lartë të Deklarimit dhe Kontrollit të Pasurisë për parregullsitë dhe dyshimet për vitet që i referohemi. Në të dyja deklararimet zyrtare të 2009 dhe 2010 flet për një aktivitet privat por duhet të japë deklaratë specifike se çfarë është ky aktivitet. 490 milionë lekë fitim, si në rastin e të motrës edhe i biri deklaron të ardhura marramendëse, nuk specifikon mënyrën si i ka bërë këto fitime. Dua të theksoj se i referohemi deklarimeve zyrtare të Inspektoriatit të Lartë të Deklarimit dhe Kontrollit të Pasurisë. në ditët në vijim do të vazhdojmë të zbardhim pasurinë e bllokmenëve blu”, përfundoi Balla.

Deklarata e plotë e Taulant Ballës
"Prej disa ditësh i kemi treguar publikut shqiptar për pasurimin e jashtëzakonshëm të bllokut blu dhe të neobllokmenëve të familjes biologjike dhe politike të Sali Berishës. Sot po vazhdojmë me një tjetër anëtar të kësaj familjeje, me të birin e Kryeministrit të vendit, Shkëlzen Berishën. Sot po zbardhim për publikun dy deklarata vjetore të pasurisë.

Djali i Kryeministrit nuk jepka mësim. Paska aktivitet tjetër. Shkëlzen Berisha deklaron se ka një aktivitet privat në fushën e pasurive të paluajtshme. Nëse shikojmë deklarimin e pasurive të dy viteve, vetëm nga ky aktivitet Shkëlzeni ka deklaruar se ka pasur fitim fiks 350 mijë Euro. Pra, Shkëlzen Berisha vetëm nga çfarë ka deklaruar paska fituar 490 milionë lekë në dy vite.

Pak minuta më parë Kryeministri tha se do t’u japë pensionistëve çerek gjeli shpërblim, vetëm 20 mijë lekë. Ndërkohë që i biri i tij fiton sa shuma totale e shpërblimit të 25 mijë pensionistëve. Por, deklarimi i tij i pasurisë përveç shumës me të cilën ka shtuar pasurinë, 490 milionë lekë, ka fshehur të dhëna të rëndësishme. Nuk ka deklaruar emërtimin e kompanisë nga ku janë siguruar të ardhurat, adresën e saj, numrin e regjistrit publik, statusin e kompanisë.
Duam të sqarojmë diçka tjetër në lidhje me pasurimin e birit të Kryeministrit, të cilit i përcilleshin edhe dokumentet shtetërore dhe raportojnë ministrat e babit, siç mund ta kujtojë opinioni publik. Vetëm në një vit të vetëm, 2009, Shkëlzen Berisha ka deklaruar rritje të depozitave dhe llogarive bankare me 310 mijë Euro (sepse ky punon me Euro) ndërsa të ardhurat e tij të deklaruara ishin më pak se 210 mijë Euro. Ja edhe një shkelje tjetër dhe dyshime, se nga ka ardhur kjo diferencë e “vogël” prej 100 mijë Eurosh??

Ne kemi dyshime, se populli e di nga i kanë ardhur këto të ardhura. Janë 140 milionë lekë të cilat nuk figurojnë të kenë hyrë në të ardhurat e djalit të Kryeministrit Berisha në vitin kur i ati vidhte zgjedhjet, por që i janë shtuar nëpër llogari të birit të Kryeministrit. Në vitin që Sali Berisha vidhte zgjedhjet, i biri i tij shton llogaritë dhe depozitat me 310 mijë Euro.

Djali i kryeministrit duhet të japë përgjigje në ILKPD për gjithë këto parregullsi dhe dyshime. Ndërkohë në të dyja këto deklarime, pra ato të vitit 2009 dhe 2010 i biri i kryeministrit flet për aktivitet me pasuri të paluajtshme. Djali i Kryeministrit në deklaratën e tij të pasurisë duhet të jetë më specifik në këto deklarata, duhet t’i tregojë institucionit që kontrollon pasuritë e zyrtarëve dhe të familjarëve të tyre se si mund të arrihet të fitohen 200 mijë Euro në vit? Çfarë ka bërë me pasuritë e paluajtshme, i ka shitur, blerë apo falur?

Si në rastin e të motrës së tij Argita Berisha, edhe i biri i Kryeministrit deklaron në vija të përgjithshme të ardhura marramendëse ndërsa nuk specifikon mënyrën në të cilën këto fitime mund të arrihen. Këto fakte flagrante bashkë me pasurimin e skajshëm të familjes biologjike dhe politike të Sali Berishës janë një shuplakë ndaj të gjithë shqiptarëve, të cilët po vuajnë në kurriz të tyre një krizë të thellë ekonomike dhe sociale. Kjo krizë e thellë po përkeqësohet si pasojë e makutërisë dhe papërgjegjshmërisë së neobllokmenëve milionerë të Sali Berishës.

Edhe në ditët në vijim ne do të vazhdojmë zbardhjen e pasurive me shumë, shumë zero të kësaj klike pushtetarësh".

Redaksia online
(eç/shqiptarja.com)

  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

Shqipëri-BE marrëveshje bashkëpunimi për sigurinë e mbrojtjen, Rama: Lidhje e pandashme! Hasani: Luftojmë kërcënimet kibernetike

Shqipëri-BE marrëveshje bashkëpunimi për sigurinë e mbrojtjen, Rama: Lidhje e pandashme! Hasani: Luftojmë kërcënimet kibernetike

18 Dhjetor, 11:31