Drejtuesi Politik i Partisë Socialiste për Qarkun e Elbasanit, Taulant Balla zhvilloi një takim me banorët e Belshit, ku mbylli dhe fushatën zgjedhore.
Në fjalën e tij Balla përmendi edhe ngjarjen e rëndë që tronditi Elbasanin ditën e djeshme, ku mbeti i vrarë Pjerin Xhuvani.
Balla u shpreh se kjo është një ngjarje që është skenuar nga Partia Demokratike dhe Ilir Meta, të cilët, sipas Ballës janë të gatshëm që për pushtet edhe të vrasin.
“Kam një pyetje për të gjithë demokratët: Kush është kryetari i PD, Lulzim Basha apo Ilir Meta? Lulzim Basha apo Sali Berisha? Unë do të thoja që Luli njëher nuk është, kjo është e sigurt. Se është Saliu, apo është Ilir Meta, kjo është një çështje tjetër.
Në Elbasan ka ndodhur një ngjarje shumë e rëndë, që ka ka për skenar, për autor, për iniciues, PD dhe Ilir Metën, të cilët për pushtet janë të gatshëm edhe të vrasin. Prandaj çdo qytetar i Belshit, i Elbasanit dhe i gjithë Shqipërisë duhet të kuptojë që ne kemi nevojë për një proces demokratik zgjedhor të qetë. Ne nuk duhet të biem pre e provokimeve. Thirrja ime për të gjithë socialistët, për të gjithë qytetarët e ndershëm te këtij vendi: Mos bini pre e provokimeve të ulëta, PD në gjithë këto 30 vite është identifikuar me dhunën, ka vrarë për të mbajtur pushtetin. Pjesë e këtij skenari dhune është bërë pjesë edhe i ashtuquajturi President i Republikës, i cili nuk rresht në asnjë moment për të prodhuar, për të apeluar për skenare dhune”, tha Balla.
Ai u bëri thirrje të gjithë qytetarëve që të votojnë Partinë Socialiste, përfshirë këtu edhe demokratët, pasi vota për PS, sipas tij, i bën nder edhe Partisë Demokratike.
“Prandaj thirrja ime për të gjithë votuesit është: Ju lutem, mos u provokoni, shkoni në 25 prill herët në mëngjes votoni për PS, votoni për Edi Ramën. Këtu në Belsh ne nuk mund t’i lëmë përgjysëm këto projekte të mëdha. Ne nuk mund të pranojmë dhunën si alternativë, ne duam punësim, ne duam ekonomi të fortë, ne duam shërbim shëndetësor të mirë, ne duam të çojmë në fund procesin e legalizimeve dhe unë dua t’i them çdo banori të Belshit që unë si Taulant bashkë me PS, angazhohem që çdo familje në Belsh brenda vitit tonë të parë të mandatit të ri të përfundojmë të gjithë procesin e legalizimeve në gjithë Dumrenë. Sepse e vërteta është që ajo që kemi bërë ne me legalizimet, është një histori suksesi, jo vetëm në Elbasan, por në gjithë Shqipërinë. Ne bëmë plot 230 mijë legalizime në 7 vite e gjysmë. Ne do të vazhdojmë të investojmë për procesin e urbanizimit të qytetit të Belshit. Teksa mbyllim këtë fushatë zgjedhore e bëhemi gati që më 25 prill të presim verdiktin e sovranit popull, meraku im i vetëm është ju lutem. Ky proces votimi kërkon shumë kujdes. Mos ju ndani 12-tës sepse Belshit i duhet ky mandat. Edhe demokratët i ftoj të distancohen nga lidershipi i tyre se u bën mirë dhe tyre, të votojnë 12-tën se u bën mirë për partinë e tyre.”, theksoi Balla.
Lajme të tjera
-
Berisha: Komision Hetimor për Portin e Durrësit dhe interpelancë! Falje e gjobave dhe kamatë-vonesave për energjinë! Akuza dhe Dumanit
18 Dhjetor, 13:40 -
Basha: T’i japim fund tangos personale, kush voton Berishën merr dhe Ramën në paketë dhe anasjelltas! Jo interesave të Trekëndëshit të Bermudës
18 Dhjetor, 12:53 -
Dita Ndërkombëtare e Emigrantëve, Balla: Mirënjohje shqiptarëve që 33 vjet më parë u nisën në kërkim të një jete më të mirë
18 Dhjetor, 12:51 -
Berisha: Drejtësia nën ndikim politik, kush flet kundër Ramës shkon në burg si Salianji e Meta! Paraburgimet janë plotë
18 Dhjetor, 12:30 -
'Të gjithë le ta marrin një diplomë', Berisha kërkon t'i kthejë Universitetet 'han pa porta'
18 Dhjetor, 11:06 -
Propozimi i PD: Të falen faturat e prapambetura të dritave e ujit, dhe gjobat e rrugores
18 Dhjetor, 10:51 -
Dorian Teliti sulmon kryebashkiakun e PD, Fisnik Qosja: Kavaja, një qytet i vdekur
18 Dhjetor, 10:02 -
Sali Berisha: Do heqim mesataren për pranimin në universitete! Studentët do marrin 200 euro çdo muaj
17 Dhjetor, 22:51 -
SHBA edhe një herë 'Jo' Berishës/ Valteri: I vdekur, i pakallur! Tafani: Mesazhi i qartë, 'Mos shkoni tek PD-ja'! Kulluri: Amerikanët kanë problem këtu korrupsionin dhe krimin
17 Dhjetor, 21:41 -
'Nuk ka më protesta klasike', Korreshi në Frontline: Berisha po vijon betejën për non-gratën! Nuk ka marrëveshje me PS-në
17 Dhjetor, 20:12 -
Spahiu: Mesazhi i SHBA shuplakë për socialistët, sepse janë të tronditur nga bashkëpunimi tyre me Berishën
17 Dhjetor, 20:04 -
Ironia e Spahiut: Trump do i heq dekoratën Dumanit dhe Dvoranit, për t’ja dhënë të dyja Berishës
17 Dhjetor, 19:43
