POP 5

Lajmet më të lexuara të 5 minutave të fundit

Politikë

‘Ballkani i Hapur’, deputeti shqiptar në parlamentin serb: Vuçiç po luan me dy standarde, do të krijoj projektin e ‘botës serbe’

Shaip Kamberi, deputeti shqiptar në parlamentin serb të Luginës së Preshevës thotë se për Ballkanin e Hapur, Serbia po luan me dy standarde, një ku Aleksandër Vuçiç tregohet paqedashës dhe nga ana tjetër përmes eksponentëve të tij nis projektin e ‘botës serbe’

Shaip Kamberi, deputeti shqiptar në parlamentin serb të Luginës së Preshevës thotë se për Ballkanin e Hapur, Serbia po luan me dy standarde, një ku Aleksandër Vuçiç tregohet paqedashës dhe nga ana tjetër përmes eksponentëve të tij nis projektin e ‘botës serbe’.

Kamberi tha se Serbia në rajon po luan rolin e destabilizuesit të Ballkanit Perëndimor dhe rrezikshëm po cenon paqen. Më tej deputeti shqiptar tha se ato kanë kërkuar që në axhendën e Shqipërisë dhe Kosovës të jetë edhe Lugina e Preshevës. Sipas tij është paradoksale të kesh një miqësi mes Serbisë dhe Shqipërisë dhe kjo miqësi mos të reflektohet në të drejtat e shqiptarëve.

‘Ka dy standarde për qasjen e Serbisë dhe Vuçiç në këtë proces. Vuçiç personalisht luan rolin e paqebërësit në rajon duke tentuar të lidhë marrëveshje bilaterale, trilateriale apo multilaterale për të  qenë lider i Ballkanit në ndërtimin e paqes.  Në anën tjetër përmes eksponentëve të tij në Beograd, veçanërisht ministrit t policisë që është një antishqiptar i dëshmuar, një fashist, ai nis projektin e “botës serbe”. Duke pasur parasysh faktin se nga kush vjen kjo ide, ajo flet për një botë ku nuk do të kenë vend të tjerët. Këto dy projekte “bota serbe” dhe “Ballkani i Hapur” janë në kundërshtim me njëri-tjetrin.

Të mbyllësh kufij për pakicat, për të drejtën e komuniteteve në Serbi për bashkëpunime me shtetet amë dhe të kërkosh hapjen e kufijve për serbët në rajon, sipas meje, janë aspirata territoriale dhe në këtë rast ndaj Kroacisë, ndaj Bosnjë Hercegovinës, sepse po shihet roli i Dodik në Bosnje për shpartallimin e Bosnjes, situata në Mal të Zi, në veri të Kosovës, në të gjitha këto vende Serbia po luan rolin e destabilizuesit të Ballkanit Perëndimor dhe rrezikshëm po cënon paqen. Kemi kërkuar që në axhendën e Shqipërisë dhe Kosovës të jetë Lugina e Preshevës në kuadër të një programi shtetëror, jo partiak. Program shtetëror që do t’i qaset problematikave për të ndalur së pari shpopullimin e shqiptarëve. Do të ishte paradoksale të kemi një miqësi mes Serbisë dhe Shqipërisë dhe kjo miqësi të mos reflektohet pozitivisht në të drejtat e shqiptarëve”, tha Kamberi.

Kamberi u shpreh se të gjithë janë të vetëdijshëm se e ardhmja e Ballkanit Perëndimor duhet të jetë në bashkëpunim, duke shtuar se nuk mund të bëhet nëse përjashtohet pjesa më e madhe e popujve të Ballkanit.

“Nuk mund të shkojmë në një proces bashkëpunimi në rajon nëse përjashtohet pjesa më e madhe e popujve të Ballkanit dhe nëse Serbia mohon në vazhdimësi gjysmën e popullit shqiptar. Ajo dëshiron miqësi me Shqipërinë duke mohuar Kosovën, duke mohuar ekzistencën e shqiptarëve në territorin e vet dhe këto janë parimet e standardeve të dyfishta që Serbia po luan.

Loja e Serbisë me Kinën, me Rusinë dhe tentativa e saj që gjoja është integrimi europian janë koncepte që nuk shkojnë bashkë. Jemi të zhgënyer me administratën në Bruksel, e cila ka arritur deri në fazën që të bindë palët  të nënshkruajnë disa marrëveshje, por nuk kanë mekanizma që të nënshkruajnë marrëveshje me Serbinë që t’i zbatojë. Mbetet të shihet angazhimi i ri amerikan”, tha Kamberi.

M.Q./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Fushë Arrëz/ Reshjet e dëborës vështirësojnë qarkullimin në Iballë, borëpastrueset në terren

Fushë Arrëz/ Reshjet e dëborës vështirësojnë qarkullimin në Iballë, borëpastrueset në terren

26 Dhjetor, 09:38