Ballkani Perëndimor, SHBA-BE me deklaratë të përbashkët: Të mos ketë më asnjë vonesë për negociatat me Shqipërinë dhe Maqedoninë e Veriut

Ballkani Perëndimor, SHBA-BE me deklaratë të përbashkët: Të mos ketë më asnjë vonesë për negociatat me Shqipërinë dhe Maqedoninë e Veriut

Joseph Borell dhe Anthony Blinken

"Të hapen pa asnjë vonesë negociatat me Shqipërinë dhe Maqedoninë e Veriut". Një ditë pas publikimit të raportit të progresit të Komisionit Europian apeli vjen i fortë edhe nga Shtetet e Bashkuara të Amerikës si dhe nga Përfaqësuesit të Lartë të BE për politikë të jashtme, Josepsh Borrell. 

Një javë pas takimit të zhvilluar në Uashington të Borrel me Sekretarin Anthony Blinken deklarata e përbashkët është publikuar në faqen zyrtare të Departamentit të Shtetit. SHBA dhe Bashkimi Europian apelojnë vendet anëtare të Bashkimit Europian që të ndërmarrin hapin e madh për Shqipërinë dhe Maqedoninë e Veriut për një datë për konferencën e parë ndërqeveritare. 

SHBA dhe BE gjithashtu kanë prekur ccështje të rëndësishme të Ballkanit Perëndimor, duke shprehur vendosmërinë për të mbështetur fortë rajonin, për të mbështetur integritetin territorial të Bosnjës dhe Hercegovinës; për të inkurajuar dialogun Kosovë-Serbi si dhe duke i bërë thirrje forcave politike në Mal të Zi për të ruajtur orientimin strategjik perëndimor. 

Komisioni Europian publikoi dje progres raportin për Shqipërinë, ku edhe në këtë raport KE rekomandon hapjen e  negociatave për Shqipërinë, pasi i ka plotësuar kushtet. Reforma administrative territoriale është një tjetër pikë e prekur në Raport ku theksohet se duhet të vijojë decentralizimi i pushtetit lokal dhe të bëhet më shumë për autonominë dhe financat e bashkive. KE thotë se Shqipëria ka shënuar përparim në forcimin e luftës kundër korrupsionit dhe ka bërë përparim të mirë në luftën kundër krimit të organizuar, duke shënuar rezultate të mira në këtë drejtim.

Deklarata e plotë e përbashkët e SHBA dhe BE

Pas takimit të fundit midis Sekretarit Blinken dhe Përfaqësuesit të Lartë të BE për politikë të jashtme Borrell, Shtetet e Bashkuara dhe BE ranë dakord të forcojnë më tej angazhimin e tyre të përbashkët në Ballkanin Perëndimor në mbështetje të përparimit të rajonit në rrugën e tij evropiane.

Ne nënvizojmë mbështetjen tonë të plotë për procesin e zgjerimit të BE -së. Pranimi në BE, një përparësi e deklaruar për të gjithë Ballkanin Perëndimor, që ndihmon në konsolidimin e institucioneve demokratike, në mbrojtjen e të drejtave themelore dhe në avancimin e sundimit të ligjit. Ky rajon i përket Bashkimit Evropian. Integrimi më i ngushtë do të rrisë stabilitetin dhe do të kontribuojë në prosperitetin e njerëzve të rajonit. Në këtë kontekst, ne theksojmë se negociatat e pranimit me Shqipërinë dhe Maqedoninë e Veriut duhet të fillojnë pa vonesë.

Shtetet e Bashkuara dhe Bashkimi Evropian janë të bashkuar në mbështetjen e tyre të fortë për integritetin territorial të Bosnjës dhe Hercegovinës, si dhe në punën e tyre të përbashkët për të promovuar reformën zgjedhore dhe kushtetuese dhe për të ruajtur funksionalitetin e institucioneve të saj shtetërore. Ne kemi shqetësime serioze për retorikën gjithnjë e më përçarëse në Bosnjë dhe Hercegovinë. Ne u bëjmë thirrje të gjitha palëve të respektojnë dhe mbrojnë institucionet shtetërore, të rifillojnë dialogun konstruktiv dhe të ndërmarrin hapa për të çuar përpara përparimin në rrugën e integrimit në BE - përfshirë reformat përkatëse. BE -ja dhe Shtetet e Bashkuara janë gati të lehtësojnë këto hapa.

Theksojmë rëndësinë e Dialogut të lehtësuar nga BE, i cili është mekanizmi kryesor për të adresuar normalizimin gjithëpërfshirës të marrëdhënieve midis Serbisë dhe Kosovës. Pas javëve të fundit të tensionit në veri të Kosovës, ne inkurajojmë të dyja palët që të angazhohen në de-përshkallëzim të vazhdueshëm dhe të qëndrueshëm dhe të shmangin veprimet që kërcënojnë stabilitetin. Ne mirëpresim dhe mbështesim angazhimin e Kosovës për të luftuar korrupsionin dhe krimin e organizuar, dhe ritheksojmë se dhuna kundër civilëve, gazetarëve, policisë ose autoriteteve të tjera është e papranueshme.

Ne i bëjmë thirrje të gjitha forcave politike në Mal të Zi që të punojnë së bashku për të ruajtur një orientim strategjik që reflekton dëshirën e popullit të Malit të Zi për të arritur reformat e nevojshme për t'i bërë realitet shpresat e tyre për një të ardhme në BE.

K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Tosi: 20/10/2021 17:01

    Mire e keni bere. Mbrojini pupacet te pakten per sy e faqe.

    Përgjigju
  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Shqiptari dhunon gruan dhe djalin e mitur në Itali

Shqiptari dhunon gruan dhe djalin e mitur në Itali