Pas një periudhe intensive pune për testimin, hartimin e protokolleve dhe përmbushjen e kushteve teknike për çertifikim e Air Albania, sot është konkluduar akordi financiar mes Albcontrol, Turkish Airlines dhe partnerit privat. Ky hap ndez dritën jeshile për çertifikimin e kompanisë dhe nisjen e operimit.
Pas nënshkrimit të marrëveshjes në mjediset e Kryeministrisë, Ministrja e Infrastrukturës dhe Energjisë, znj.Belinda Balluku dhe Drejtori i Përgjithshëm i Turkish Airlines, z.Ilker Ayçi kanë dhënë një deklaratë për mediat në aeroportin e Rinasit.
“Krijimi i një kompanie ajrore është padyshim një proces i gjatë dhe shumë i rëndësishëm duke qenë se ka të bëjë me sigurinë dhe shërbimin e duhur që u duhet ofruar pasagjerëve. Për më tepër kur flitet për një kompani mbajtëse të flamurit, siç është Air Albania, padyshim kemi pasur seriozitetin më të madh dhe përkushtimin më të madh që mund ti jepet një procesi të tillë”, është shprehur ministrja Balluku.
Ajo është ndalur në fjalën e saj në punën e kryer gjatë muajve të fundit, e cila ka qenë një fazë tepër e domosdoshme për çertifikimin e kompanisë: “Është punuar për të kaluar fazën e trajnimeve, për të konsoliduar fazën e testimeve teknike, për të prodhuar të gjitha dokumentet, manualet dhe protokollet, të cilat çojnë drejt çertifikimit, për të arritur sot në konkludimin e marrëveshjes financiare mes palëve, e cila hap dritën jeshile për çertifikimin e kësaj kompanie nga Autoriteti i Aviacionit Civil, gjë që do të ndodhë shumë shpejt, brenda një jave apo 10 ditëve”.
Ministrja ka vlerësuar bashkëpunimin me Turkish Airlines, i cili ka qenë promotor i kësaj iniciative të përbashkët. “Turkish Airlines së bashku me partnerin privat, kanë qenë ata të cilët i kanë kërkuar shtetit shqiptar të nisë krijimi i një kompanie mbajtëse të flamurit e cila sot po bëhet realitet. Procesi ka qenë i gjatë, por është konkluduar në mënyrën më të mirë të mundshme, më serioze dhe ashtu siç kërkojnë të gjitha kushtet dhe parametrat e Bashkimit Europian për të qenë një kompani e konsoliduar, një kompanie që përmbush të gjitha kërkesat rregullative”, ka thënë Balluku.
Nga ana e tij Drejtori I Përghithshëm i Turkish Airlines, Ilker Ayçi ka shprehur kënaësinë e tij që faza përgatoitore është kryer me seriozitet dhe tashmë kompania është gati për çertifikim.
“Jemi shumë të gëzuar që jemi këtu. Prej disa kohësh po punojmë mbi përgatitjen e infrastrukturës për Air Albania dhe jemi shumë krenarë që po përmbyllim procesin përgatitor. Tashmë përgatitja e procesit teknik është kryer. Air Albania shumë shpejt do të jetë në qiell dhe ne jemi shumë krenarë që po punojmë së bashku me palën shqiptare si Turkish Airlines”, ka thënë z.Ayçi.
Ai ka theksuar se shumë shpejt Air Albania do të nisë nga fluturimet. “Tani ne jemi gati dhe së shpejti do të jemi në qiell. Ne do të shohim Air Albania në qiell dhe mendoj se do të jetë krenaria e Shqipërisë dhe është një kënaqësi e madhe, një nder i madh të punojmë për popullin shqiptar dhe gjithashtu, për aviacionin shqiptar”, ka përfunduar drejtori i Turkish Airlines.
Komente
Lajme të tjera
-
Fshihet emri Air Albania nga stadiumi në Tiranë, arena e Kombëtares është gati për emrin e ri
17 Dhjetor, 19:39 -
Nuk merr fondin për dëmtimin e shtëpisë nga tërmeti, gruaja në grevë urie para Ministrisë së Infrastrukturës: Balluku të më japë zgjidhje ose të marrë dhuratë vetëflijimin tim
17 Dhjetor, 18:45 -
SHBA mesazh të prerë për Berishën/ Basha në 'Studio Live' tregon 2 grupet që i shkojnë pas kryetarit PD! Përpiqet të mashtrojë militantët, ndërkohë ka aleancë me Ramën
17 Dhjetor, 18:37 -
Ben Andoni: Politika nuk i njeh më shqiptarët
17 Dhjetor, 17:42
-
Kryeministri Rama takim me kreun e NATO-s Mark Rutte: Mbështetës i paepur i Shqipërisë
17 Dhjetor, 17:40 -
Ylli Pata: Revolucioni hungarez i BE që 'shpëtoi' Shqipërinë, por jo vetëm
17 Dhjetor, 08:29
-
Infrastrukturë, kujdes ndaj pacientëve dhe teknologji e avancuar, pamjet nga shërbimi i Sëmundjeve të Brendshme te Spitali i Traumës (VIDEO)
17 Dhjetor, 08:15 -
Takimi me ish-punonjës të Policisë, Rama: Po përgatitemi për rritjen e fondit të pensioneve! Ministri Hoxha: Mbështetje për familjet e dëshmorëve
16 Dhjetor, 17:52 -
Teatri i Kukullave, rikthim për fëmijët pas 3 vitesh mungesë. Rama: Shumë shpejt, gati edhe teatri i ri te Parku i Liqenit
16 Dhjetor, 15:06
-
Presidenti i Këshillit Evropian: E ardhmja e Ballkanit Perëndimor është në BE
16 Dhjetor, 14:49 -
Përurohet Teatri i Kukullave, Gonzato: BE s’është vetëm rregullore, por dhe ruajtje e identitetit! Rama-fëmijëve: Këtu ka qenë Parlamenti, na konsideroni si kukulla!
16 Dhjetor, 14:00 -
Berisha i sulmon të gjithë: Blinken grusht shteti ndaj opozitës me Dumanin, Soros monstër, Lu dhe Vlahutin ushtarë të tij! Unë me një apartament, kreu i SKAP ka tre
16 Dhjetor, 13:02
Po biletat apo përsëri nga 450 euro e sipër?! I rropët njerëzit, i rropët!
PërgjigjuUrime. MBARËSI Shpresojmë!!
Përgjigju