Banka Botërore: Shqipëria ngjit dy shkallë në klasifikimin e “Të bësh biznes 2019”

Sipas raportit të Grupit të Bankës Botërore “Të bësh biznes 2019, trajnim për reformë”, të publikuar sot, Shqipëria është ngjitur në vendin e 63-të të klasifikimit botëror, duke lëvizur me dy vende krahasuar me një vit më parë.

Shkak për këtë vlerësim është fakti që vendi ynë ka kryer një reform,e  cila ka bërë më të lehtë zbatimin e kontratave përmes amendimit të Kodit të Procedurës Civile për vendosjen e procedurave më të thjeshta për ankesa të vogla, si dhe duke futur afate kohore për disa procese gjyqësore.

Ekonomitë e rajonit të Evropës Juglindore performojnë më mirë në treguesit e regjistrimit të pasurisë dhe mbrojtjes së investitorëve të vegjël. Megjithatë, rajoni vazhdon të mos performojë siç duhet sa i përket marrjes së energjisë elektrike.

LEXO EDHE:
Banka Botërore miraton mbi 2 miliardë dollarë për Ukrainën, mbështetet te asetet e ngrira ruse

Megjithatë, sipas raportit, Shqipëria mbetet e parafundit në rajon, duke lënë pas vetëm Bosnjë Hercegovinën (në vend të 89). E para në rajon mbetet Maqedonia, që renditet e dhjeta në botë. Kosova ka bërë një përparim të dukshëm, duke u renditur në vendin e 44, ku përmirësimet më të mëdha janë në lejet e ndërtimit, pagimin e taksave dhe tregtinë përtej kufijve. Serbia është në vend të 48 dhe Mali i Zi në të 50-n.

Treguesit ku Shqipëria është më keq janë marrja e lejeve të ndërtimit, në vend të 151 në botë; sigurimi i energjisë elektrike në vend të 144 dhe pagimi i taksave, në vend të 122. Treguesi më pozitiv është mbrojtja e të drejtave të minoriteteve e 26, tregtia përtej kufijve e 24-a dhe zgjidhja e paaftësisë paguese e 39-a.

TAG:
• banka boterore
• te besh biznes

Sondazhi i ditës:

Si ka qenë për ju viti 2024?

• I mirë

  44%

• I keq

  22.7%

• As i mirë as i keq

  33.3%

Vota total: 1484

Votat totale janë unike

• Sondazhi i ditës:

  Si ka qenë për ju viti 2024?

  I mirë I keq As i mirë as i keq