POP 5

Lajmet më të lexuara të 5 minutave të fundit

Ekonomi

Banka Botërore ul parashikimet: Rritja ekonomike e Shqipërisë 3.2%, shkak lufta dhe inflacioni

Çmimet e larta, inflacioni tej parashikimeve dhe lufta në Ukrainë janë rreziqet kryesore të ekonomisë së Shqipërisë gjatë këtij viti. Banka Botërore ka ulur pritshmëritë për rritjen ekonomike të vendit me 0.6%, dhe shkak për këtë është pasiguria e krijuar nga lufta dhe variantet e reja të COVID-19.

Agresioni ushtarak në Ukrainë, kërcënon ekonominë dhe perspektivën për uljen e varfërisë gjatë vitit 2022. Ekspertët e Bankës Botërore në raportin e fundit të titulluar “Lufta në Rajon”, ku ku ulin pritshmëritë  për rikuperimin e mëtejshëm ekonomik të Evropës pas pandemisë.

Për Shqipërinë, Banka Botërore uli me 0.6%  parashikimet për rritjen ekonomike, duke shkuar në nga 3.8 në 3.2%, aq sa e parashikon edhe Banka e Shqipërisë. Me rritjen më të ulët nga vendet e rajonit renditet Maqedonia e Veriut me 2.1%, ndërsa më të lartën e ka Kosova me 3.9%.

Situata sipas raportit është tepër e pasigurt dhe rreziqet negative janë shtuar, pasi lufta në Ukrainë dhe sanksionet e vazhdueshme ndaj Rusisë mund të shkaktojnë rritje të vazhdueshme të çmimit të energjisë elektrike dhe ushqimeve. Kjo rritje e fortë e inflacionit sipas Bankës Botërore do të zvogëlojë fuqinë blerëse dhe do ulë konsumin e familjeve.

“Lufta në Ukrainë mund rrisë më tej inflacionin, prishja e zinxhirit të ofertës, shqetësojnë tregjet financiare dhe zbehin perspektivat e rritjes ekonomike të Shqipërisë”, thuhet në raportin e BB.

Nga ana tjetër ekspertët e Bankës Botërore thonë se tregu i punës do të njohë një ngadalësim që do të zvogëlojë edhe mundësinë për uljen e varfërisë këtë vit.

Ndërkohë pritet që shpenzimet e qeverisë të vazhdojnë të jenë të larta në mënyrë që të garantojë furnizim me energji përmes importeve. Po ashtu rrezik për rritjen ekonomike janë edhe variantet e reja të COVID-19, që mund të diktojnë masa të tjera kufizuese.

RRITJA EKONOMIKE NË RAJON

Kosovë 3.9% ose 0.2% më pak

Mali i Zi 3.6% ose 2% më pak

Shqipëri 3.2% ose -0.6% më pak

Serbia 3.2% ose 1.3% më pak

Maqedoni e Veriut 2.1% ose 1% më pak

SI.E./Sh.Sh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

‘S’ke rrugë për Giro d’Italia’, Rama i përgjigjet komentuesit: Certifikatë e një Shqipërie të rilindur! Vite më parë ishte ëndërr me sy hapur, sot realitet

‘S’ke rrugë për Giro d’Italia’, Rama i përgjigjet komentuesit: Certifikatë e një Shqipërie të rilindur! Vite më parë ishte ëndërr me sy hapur, sot realitet

14 Janar, 12:34