POP 5

Lajmet më të lexuara të 5 minutave të fundit

Sport

Barazimi 1-1 kundër Napolit, te Interi duan fajtorin

Tifozët e Interit kanë nisur të gjejnë fajtorët për barazimin 1-1 kundër Napolit, që i hoqi mundësinë zikaltërve të shkëputen për titullin. Zikaltërit këtë sezon kanë pësuar 40% të golave pas minutës së 80, ndërsa mbështetësit e zjarrtë të skuadrës kritikojnë trajnerin Inzaghi për zëvënedësimin e Bastonit.

Barazimi 1-1 kundër Napolit, te Interi duan fajtorin

Inter shpërdoroi një tjetër rast të artë kundrejt Napolit, teksa në supersfidën e titullit skuadra e Antonio Contes barazoi zikaltërit 1-1 në minutën e 87 me Billing. Nëse zikaltërit do të mbronin deri në fund golin e Dimarcos sot diferenca do të ishte në 4 pikë, por 11 javë nga fundi i sezonit titulli në Seria A është ende enigmë.

Mirëpo në pritje të verditkit tifozët janë disi të acaruar me skuadrën, pasi këtë sezon shumë gola Interi i ka pësuar në minutat e fundit. Sipas mediave në Itali janë 10 nga 25 gola gjithsej që zikaltërit i kanë pësuar pas minutës së 80, ose ndryshe 40% të golave kanë ardhur pas asaj minute.

Ka nga ana të besojnë se faktori kryesor është mosha mesatare e skuadrës, që i kalon 29, por ka edhe të tjerë që bëjnë me faj trajnerin Inzaghi për zëvendësimet. Kur flasim për këtë pjesë mendja të shkon te Alesandro Bastoni, i cili në 5 raste që është zëvendësuar Interi ka pësuar gol.

Fillimisht kjo ndodhi në derbin e parë të sezonit ku Interi u mposht 1-2 nga Milani, më pas në Udinese-Inter ku Lucca shënoi në minutën e 83. Gjithashtu në Inter-Torino dhe më pas Juventus-Inter. Për të arritur në ndeshjen e fundit me Napolin ku Bastoni la fushën në minutën e 80 dhe Billing shënoi në të 87. Alesandro Bastoni duket se është hajmalia e Interit për këtë sezon.

A.Q/SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 30 Mars, 00:06

    Programi i PS, a ju duken të realizueshme objektivat ekonomikë?

Lajme të tjera



×

Lajmi i fundit

Ushtarakë me përvojë nga Siria dhe Kursku, strategjia që po përdor Moska për të avancuar në Ukrainë

Ushtarakë me përvojë nga Siria dhe Kursku, strategjia që po përdor Moska për të avancuar në Ukrainë

31 Mars, 07:31