TIRANË, 11 Tetor/ATSH-Arbi Fortuzi/-. Barazimi përballë Danimarkës është një rezultat që nuk e ka kënaqur përgjysëm teknikun e përfaqësueses shqiptare, Xhani De Biazi.
Në përfundim të takimit tekniku i kuqezinjëve u shpreh se rezultati mund  të ishte edhe më pozitivë për shqipërinë, por nga krahu tjetër përfaqësuesja shqiptare mund të edhe të kishte humbur. "Jemi të zhgënjyer sepse mund të fitonimpor na ndëshkuan në fund. Mund edhe të humbisnim, por do të ishte një mëkat sepse ne bëmë një ndeshje shumë të mirë", tha tekniku Italian i kombëtares Shqiptare. "Jam i kënaqur me djemte sepse bënë një ndeshje shumë të mirë edhe nga ana taktike. Nuk arritëm të shkonim 2-0 dhe na ndëshkuan në fund.I lejuma shumë pak raste Danimarkës. Mos te harrojmë, theksoi De Biazi, që po luajmë kundër ekipeve të mëdha dhe kemi grumbulluar 4 pikë. Ato, shtoi italiani, shfrytëzuan lodhjen tonë.Tashmë duhet të shohim për sfidat e tjera",përfundoi De Biazi