TIRANË-Investimet e huaja, kanë qenë në fokus të akuzave të kryetarit të Partisë Demokratike, Lulzim Basha, sipas së cilit janë në pikë kritike dhe fajtor bënr kryeministrin Edi Rama. Kryedemokrati Basha akuzon shefin e qeverisë se në 6 vitet e tij në drejtimin e vendin nuk ka pasur asnjë investim të huaj nga perëndimorët, kjo sepse Rama, thekson ai, i ka zëvendësuar me "klientët e tij".

Duke u veshur me "kostumin" e një kryeministri të ardhshëm, Basha shprehet se gjitha kjo do të  ndryshojë me ardhjen e tij në pushtet.Ndërkohë, ka vëndosur sërish theksin te largimi i Ramës.

"Të gjitha raportet ndërkombëtare tregojnë me gisht Edi Ramën si kryeministrin më të korruptuar të Ballkanit. Ai vjedh Shqipërinë me një bandë oligarkësh grabitqarë dhe pastron paratë e drogës dhe krimit. Për të mbrojtur bandën e tij, Edi Rama përzuri investitorët e huaj dhe i zëvendësoi me klientët e tij. Të gjitha investimet perëndimore po largohen nga Shqipëria.

Asnjë investim të huaj nuk ka sjellë Hajduti Psiqik në Shqipëri në 6 vjet. Shqipëria dhe Koreja e Veriut janë të vetmet vende në planet, pa asnjë investim të ri të huaj në 6 vitet e fundit.

Pa investime të huaja nuk ka zhvillim ekonomik, nuk ka vende të reja pune, nuk ka mirëqenie. Investimet e huaja janë të domosdoshme për çdo vend. Me Edi Ramën nuk ka investime, nuk ka zhvillim, nuk ka punësim, por vetëm grabitje, vjedhje, varfëri dhe papunësi. Që të zhvillojmë ekonominë dhe të marrim investime, duhet të largojmë hajdutin psiqik dhe bandën e tij", shkruan Basha.