POP 5

Lajmet më të lexuara të 5 minutave të fundit

Politikë

Basha me drejtuesen e misionit të BB: Shteti 600 milionë euro detyrime të prapambetura, aferat korruptive të maskuara si PPP

Kryedemokrati Lulzim Basha u takua ditën e sotme me drejtuesen e misionit të Bankës Botërore Maryam Salimdhe ekipin e saj për të diskutuar lidhur me situatën ekonomike në vend. Basha tha se ekonomia shqiptare është e zhytur në kolaps, ndërsa shtoi se 1 në 2 shqiptarë nuk plotëson kriteret minimale të mbijetesës.

Basha me drejtuesen e misionit të BB: Shteti 600 milionë euro detyrime të prapambetura, aferat korruptive të maskuara si PPP

Lulzim Basha dhe Maryam Salim

TIRANE- Kryedemokrati Lulzim Basha u takua ditën e sotme me drejtuesen e misionit të Bankës Botërore Maryam Salim dhe ekipin e saj për të diskutuar lidhur me situatën ekonomike në vend. Basha tha se ekonomia shqiptare është e zhytur në kolaps, ndërsa shtoi se 1 në 2 shqiptarë nuk plotëson kriteret minimale të mbijetesës.

Ai u shpreh se shqetësim është rritja me 600 milionë euro e borxhit publik, teksa premtoi se Partia Demokratike do të jetë e angazhuar për ta ringritur ekonominë me taksa të ulëta dhe mundësi punësimi për çdo shqiptar.

"Sot zyrtarisht, 1 në 2 shqiptarë nuk plotëson kriteret minimale të mbijetesës. Konsumi është në minimumin historik. Rënia rekord e besimit në ekonomi nga qytetarët dhe biznesi e bën vitin 2020 akoma dhe më të vështirë se ai që lamë pas.

Shqetësimi kryesor është te rritja pa kriter e borxhit publik, rritja e detyrimeve të prapambetura me 600 milionë euro, kriza ekonomike dhe rreziqet nga aferat korruptive të maskuara si PPP dhe koncesione korruptive. Kjo e shoqëruar edhe me aferën e të ashtuquajturës Korporatë e Investimeve e kanë kthyer Shqipërinë në vendin me ekonominë më të rrezikuar në rajon.

Konfirmova angazhimin tim se për Partine Demokratike nuk ka betejë më të rëndësishme se lufta ndaj korrupsionit shtetëror, i cili po largon shqiptarët, po shkatërron ekonominë dhe po vret shpresën.

Partia Demokratike është e angazhuar për ta ringritur ekonominë dhe rikthyer shpresën e besimin se vetëm me punë të ndershme e të drejtë, me konkurrencë të lirë, me taksa të ulëta do ta kalojmë këtë krizë e do të krijojmë mundësi punësimi e zhvillimi për çdo shqiptar", tha Basha.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Vloraaaaa e pd: 14/02/2020 16:08

    7*7=63

    Përgjigju
  • O tej: 14/02/2020 15:24

    O legen shto dhe 220 milion euro qe vodhe ne rrugen e Kombit

    Përgjigju
  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Këlliçi në SPAK, Valteri: I implikuar edhe me bursa në call center! Do japë llogari, ishte aq i shqetësuar sa aludoi edhe ndarjen

Këlliçi në SPAK, Valteri: I implikuar edhe me bursa në call center! Do japë llogari, ishte aq i shqetësuar sa aludoi edhe ndarjen

26 Dhjetor, 23:06