POP 5

Lajmet më të lexuara të 5 minutave të fundit

Arkiva

Basha: Rindërtimi i shkollës “Ahmet Gashi” sipas standardeve europiane

  TIRANË, 2 Shtator /ATSH- I. Vata/- Bashkia e Tiranës me një investim prej 224,575,485 lekë po rindërton shkollën “Ahmet Gashi” në kryeqytet, ku do të akomodohen për këtë vit të ri shkollor rreth 1000 fëmijë, ndërsa mësimi do të zhvillohet me një turn. Kryetari i Bashkisë së Tiranës, Lulzim Basha ndoqi sot nga afër përfundimin e […]
Bashkia e Tiranës me një investim prej 224,575,485 lekë po rindërton shkollën "Ahmet Gashi" në kryeqytet, ku do të akomodohen për këtë vit të ri shkollor rreth 1000 fëmijë, ndërsa mësimi do të zhvillohet me një turn.

Kryetari i Bashkisë së Tiranës, Lulzim Basha ndoqi sot nga afër përfundimin e punimeve në këtë shkollë, një investim i Bashkisë së Tiranës.

"Inspektova sot shkollën "Ahmet Gashi", një shkollë e standardit europian, e ndërtuar tërësisht me fondet e Bashkisë së Tiranës. Ky investim prej afro 3 milionë dollarësh i bashkisë së Tiranës ka bërë të mundur ndërtimin e një shkolle e cila në çdo parametër ka arritur standardin europian, për të cilin duhet të falënderoj projektuesit dhe ndërtuesin e shkollës, i cili në një kohë rekord arriti objektivin e caktuar nga Bashkia e Tiranës", tha Basha.

Shkolla "Ahmet Gashi"  ka  25 klasa, 6 laboratorë  informatike,  fizike, kimie,  klasa pune,  bibliotekë,  salla polifunksionale, palestër, etj.  Ambientet e jashtme  sportive janë të rrethuara me rrjetë teli, godina ka sistem qendror ngrohje dhe janë vendosur sinjalizimet dhe sistemet e mbrojtjes kundër zjarrit. Gjithashtu, godina është e pajisur me panele diellore që mundësojnë ngrohjen e ujit sanitar për dushet, ndërsa sistemi i furnizimit me ujë është zgjidhur nëpërmjet një depoje betoni 80 000 litra, për të mos patur mungesë të ujit sanitar./ATSH/
 
 
 

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Zjarret në Los Anxhelos, 11 viktima e 180 mijë të evakuuar! Miliarda dëme, grabitës të maskuar si zjarrfikës

11 Janar, 09:00