Basha tregon 3 objektivat e para: Rimëkëmbjen e industrisë së fasonëve do e bëjmë brenda 12-18 muajve

Kreu i PD Lulim Basha gjatë një takimi në selinë e PD, iu shpjegoi përfaqësuesve të Shoqatës së Fasonëve, 3 objektivat e para që do të realizojë nëse do të vijë në pushtet.

E para sipas Bashës është të ndalin largimin e forcës punëtore, e dyta shton se është rimëkëmbja e industrisë në tërësi, ndërsa e 3 është, jo thjesht për të mbajtur por për të zgjeruar dhe kapur tregjet e reja. Ndërkaq Basha shtoi se rimëkëmbja e industrisë së fasonëve në Shqipëri është plotësisht e mundur brenda 12-18 muajve të pare.

“Vështirësitë tuaja kanë qenë para tërmetit dhe para pandemisë. Këto vetëm janë thelluar. Prandaj dhe ju thashë që nuk kemi asnjë iluzion por radhën e punëve. Stabilizim pra normalizim dhe masat e para këto synojnë stabilizimin e normalizimin e situatës tuaj. Në qoftë se ju vazhdoni dhe humbni mijëra vende pune në javë, dhjetëra mijëra vende pune në muaj atëherë nuk ka asnjë kuptim të flasim për të ardhmen, se s’ka më të ardhme. Pra gjëja e parë është të ndalëm largimin e forcës punëtore apo paaftësinë tuaj për të vazhduar për të mbajtur forcën punëtore për shkak të gjithë problematikave që diskutuam deri tani.

LEXO EDHE:
INTERVISTA/ Ilir Meta në ‘Frontline’: Nëse ka urdhër-arrest, nuk arratisem! Dumani, kapter i Rilindjes! Tarallakut i çoj para SPAK dyfishin e 2 marsit

 E dyta dhe që është po kaq e rëndësishme është rimëkëmbja e industrisë në tërësi. Dhe ne besojmë që me masat që kemi prezantuar, jo vetëm për sektorin tuaj, por edhe me masat specifike për sektorin tuaj rimëkëmbja e industrisë së fasonëve në Shqipëri është plotësisht e mundur brenda 12-18 muajve të parë. Kjo kohë nuk ka pse të humbet, por gjatë kësaj kohe ne mund të ndërtojmë së bashku vizionin jo thjesht për të mbajtur por për të zgjeruar dhe kapur tregjet e reja që mund dhe do të na ofrohen me lëshimet që po ndodhin si rezultat i ndryshimit të zinxhirit të furnizimit të Europës Perëndimore që është dhe tregu kryesor i fasonëve shqiptarë. Pra, të treja këto objektiva janë të gërshetuara”, tha Basha.

Lajmi kryesor:

Basha me përfaqësues të shoqatës së fasonëve: Çdo litër naftë pas 25 prillit 24 lekë më lirë! Plani i PD po sulmohet nga ata që dështuan në 8 vite

/r.k./Shqiptarja.com

TAG:
• lulzim basha
• TVSH
• Fushate elektorale
• zgjedhjet parlamentare 2021
• programet politike 2021