POP 5

Lajmet më të lexuara të 5 minutave të fundit

Sociale

Bashkëpunimi AMA-TikTok, fshihen qindra video me përmbajtje problematike

Autoriteti i Mediave Audiziovizive mbodhi në një takim homologët e rajonit, për të diskutuar mundësinë që praktikat që po zbatohen në Shqipëri lidhur me videot me përmbajtje problematike, të aplikohen edhe në vendet e tyre. Vetëm në një muaj bashkëpunim mes AMA-s e TikTok janë fshirë qindra video të tilla.

Qindra video me përmbajtje problematike janë fshirë nga AMA në bashkëpunim me tik-tok, pas raportimit të tyre në platformën “I sigurt.al”. Kryetarja e Autoritetit të mediave Audiovizive Armela Krasniqi mblodhi në një tryezë krerët e rregullatorëve të Maqedonisë, Kosovës dhe Malit të Zi për të diskutuar me përfaqësuesit e TikTok mënyrat që ky bashkëpunim të rezultojë sa me efikas.

“Siç ju e dini tashmë, AMA ka nisur bashkëpunimin me TikTok për të gjitha përmbajtjet e dëmshme të cilat gjenden në këtë platformë, por po ashtu edhe për piraterinë. Për mua është një kënaqësi që sot kemi një drejtues të platformës në Tiranë, dhe për këtë kam thirrur edhe drejtuesit Maqedonisë së Veriut, Malit të Zi dhe të Kosovës të jenë prezent në këtë takim pasi këtë punë që ka nisur AMA të shtrihet edhe në këto vende, Që edhe këto vende të rajonit tonë të kenë qasje në këtë platformë”, u shpreh Krasniqi.

Për menaxherin e politikave publike në Tik Tok z. Lukasz Gabriel ky bashkëpunim me AMA-n, do të sjellë benefite në ndërgjegjësimin e aftësive digjitale.

“Jam shumë i lumtur të jem këtu për këtë projekt që përqendrohet tek siguria digjitale dhe siguria është prioritet për TikTok .Ne po fuqizojmë komunitetin tonë  duke zhvilluar mjete që përmirësojnë sigurinë. Ne jemi shumë të lumtur edhe me bashkëpunimin e AMA dhe mbështesim këtë projekt rreth sigurisë online”, tha ai.

Shumë shtete e akuzojnë TikTok për përdorimin e qëllimshëm të një softueri që krijon varësi dhe që është i krijuar për t'i mbajtur fëmijët të shikojnë sa më gjatë të jetë e mundur si dhe të ndeshen me përmbajtje dhune të çdo forme.

SI.E./I.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Lin: 11/10/2024 17:23

    Keni kthyer komunizmin maskarej

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Serbia i refuzon ministrit të Brendshëm të Kosovës kërkesën për vizitë në Luginën e Preshevës

Serbia i refuzon ministrit të Brendshëm të Kosovës kërkesën për vizitë në Luginën e Preshevës

25 Dhjetor, 13:52