Pas shpalljes si “Kryeqyteti Europian i Rinisë” për vitin 2022, Tirana ka marrë një tjetër vlerësim të rëndësishëm ndërkombëtar në Bilbao të Spanjës. Një juri e specializuar e PICSA në fushën e urbanistikës dhe e biznesit vlerësoi Bashkinë e Tiranës me çmimin “Për praktikat më inovative për përfshirjen e qytetarëve në vendimmarrje”, sipas bashkisë.
Nënkryetari i Bashkisë së Tiranës, Arbjan Mazniku ishte në Bilbao për të tërhequr çmimin dhe për të prezantuar disa nga nismat e ndërmarra në kryeqytet gjatë këtyre katër viteve dhe përfshirjen e qytetarëve. “Është një frymëzim sesi mund të ndryshojnë gjërat. Qenia këtu është një mundësi për të mësuar më shumë e më mirë nga njëri-tjetri, si të jemi më të përfshirë dhe në gjendje të përmirësojmë mënyrën sesi u shërbejmë qytetarëve tanë”, tha nënkryetari Mazniku.
Mazniku nënvizoi se transformimi që sipas tij ka pësuar Tirana vitet e fundit ka ardhur falë energjisë së re të krijuar përmes përfshirjes të sa më shumë njerëzve. “Së pari, një falenderim për qytetin e Bilbaos që na mikpriti, e së dyti për EBRD-në që na propozoi. Mendoj se një nga rregullat më të mëdha që një nismë të ketë sukses është përfshirja e sa më shumë njerëzve. Kjo është pikërisht ajo që bëmë edhe me nismën e pemëve: ftuam njerëzit të mbjellin pemë”, theksoi ai. Në raportin e saj, PICSA vlerëson 113 qytete nga e gjithë bota për prosperitetin gjithëpërfshirës dhe zhvillimin ekonomik.
Foto nga ceremonia dhe çmimi
Lajme të tjera
-
Krishtlindje/ Veliaj shtron një darkë për komunitetet e krishtera në Tiranë: Koha për të qenë më solidarë, të mos e shohim njëri-tjetrin si kundërshtarë
27 Dhjetor 2022, 14:01 -
Certifikata mirënjohje për vullnetarët që ndihmuan gjatë vitit 'Tirana, Kryeqyteti Europian i Rinisë 2022', Veliaj: Nëse jemi të bashkuar, asgjë nuk na ndal
12 Dhjetor 2022, 12:09 -
4 qytetet finaliste për titullin 'Kryeqyteti Evropian i Rinisë 2025' mbërrijnë në Tiranë, Veliaj: Të rinjtë e Evropës duhet të jenë bashkë, të rriten si aleatë, jo si armiq
23 Nëntor 2022, 18:09 -
‘Kryeqyteti Evropian i Rinisë’, Veliaj pret 24 të rinj nga Ballkani Perëndimor: Këtë vit mbi 1 mijë aktivitete, sillni në Shqipëri edhe miqtë tuaj
14 Prill 2022, 20:15 -
'Kryeqyteti Europian i Rinisë', Veliaj me sipërmarrësit e bareve dhe restoranteve: Ta kthejmë këtë vit në një mundësi për të promovuar Tiranën
18 Janar 2022, 12:08 -
Të rinj nga 23 vende të Europës Qendrore dhe Lindore vizitë në Tiranë, Veliaj: Do jemi platforma ku të rinj nga e gjithë Europa të kenë mundësi të aktivizohen
11 Nëntor 2021, 13:54
