Bashkia Lezhë është kundër taksimit në Rrugën e Kombit si dhe vendosjes së TVSH-së për biznesin e vogël. Duke ju referuar faktit se rajoni i Lezhës është një zonë turistike, nën kryetarja e Bashkisë Lezhë Alfrida Marku, thotë se këto dy taksa janë një ngarkesë mjaft e madhe financiare dhe do të japin ndikim mjaft negativ në turizëm.

Janë mbi 500 mijë shqiptarë nga Kosova që zgjidhin çdo sezon veror Shëngjinin dhe patjetër që këto ngarkesa financiare të pajustifikueshme do ti detyrojnë ata që të shikojnë alternativa të tjera për sezonin veror.

Alfrida Marku, nënkryetare Bashkisë Lezhë

Ajo  i kërkon qeverisë shqiptare që të reflektojë dhe mos ti vendosë këto taksa të reja që rëndojnë mbi xhepin e qytetarëve. Kundër taksimit në Rrugën e Kombit u shprehen pak ditë më parë edhe operatoret turistik në Shëngjin.