POP 5

Lajmet më të lexuara të 5 minutave të fundit

Sociale

Bashkia rrit tarifën e stacioneve të plazhit në Shëngjin, Ndreu: Stacionet e plazheve 100 lekë më tepër për m2, shkak çmimet e hotelerive

Bizneset në Shëngjin dhe Tale po hezitojnë të aplikojnë për stacione plazhi pasi çmimi për metër katror është rritur me 100 lekë.

Shfrytëzimi i rërës për plazh do t’u kushtojë më shtrenjtë bizneseve të turizmit në bregdetin e Shëngjinit dhe Tales. Këtë vit Bashkia e Lezhës ka rritur çmimin me 100 lek për metër katror, ndërsa interesi për aplikimet është i ulët.

Sipas kryebashkiakut Pjerin Ndreu ky vendim shkon paralel me rritjen e çmimeve nga hoteleritë, veçanërisht për shezlongët, çka është reflektuar edhe në tarifën e stacioneve të plazhit.

“Çmimi i stacioneve të plazhit është rritur me 1 mijë lekë. Kur erdhëm e gjetëm 5 mijë-6 mijë. Këtë vit e rritëm me 1 mijë lekë për arsye të rritjes së çmimeve që kanë bërë hoteleritë, edhe për shezlonget”, tha Kryetari i Bashkisë Lezhë, Pjerin Ndreu.

Kur kanë mbetur edhe 5 ditë nga mbyllja e aplikimeve për stacione plazhi, deri më tani kanë aplikuar 64 subjekte, nga 520 stacione të përcaktuara gjithsej.

“Nga 520 stacione të përcaktuara, shumica nuk aplikohen. Domethënë ngelin një sasi e madhe bosh. Jo e kam hotelin para, jo e kam tokën mbrapa, ne si bashki nuk duam që ta dimë”, përfundoi Ndreu.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Mësuesi kthen shtëpinë në shkollë për të mësuar Romishten: Po harrojmë ta shkruajmë, politika jo vëmendje ndaj nesh

Mësuesi kthen shtëpinë në shkollë për të mësuar Romishten: Po harrojmë ta shkruajmë, politika jo vëmendje ndaj nesh

24 Nëntor, 19:34