Ashtu siç pritej, jo me pak vështirësi, Bayern Mynchen ka fituar me shifrat 1-2 në transfertë kundër Mainzit në ndeshjen e vlefshme për javën e 10 të Bundesligës. Vendasit luajtën si të barabartë deri në minutën e 39-t, atëherë kur skuadra e Tuçel kaloi në avantazh me Goretzkan që realizoi një gol mjaft të bukur nga brenda zonës. Kaq në pjesën e parë, ndërsa menjëherë sapo nisi fraksioni i dytë i lojës, Mainzi barazoi shifrat me Boetius.
Bayern nga ky moment rriti ritmin dhe mbylli kundërshtarët në gjysmëfushën e tyre. Pas disa tentativave, kampionët në fuqi të Gjermanisë shënuan golin e dytë me Alkantarën, spanjollin I cili në minutën e 62-t si rrallherë përdori forcën për të dërguar topin në rrjetë.
Në fund fiton Bayern, i cili gëzon dyfish pasi Dortmundi kryesues barazoi 2-2 në shtëpi kundër Herthës së Berlinit. Verdhezinjtë pavarësisht se kaluan dy herë në avantazh nuk arritën të dilnin me pikë të plota nga ky takim. E vetmja që që mund të konsiderohet pozitive sot në “Sigal Iduna Park” është ‘dopieta’ e Sanchos, futbollistit 18-vjeçar që po magjeps Bundesligën dhe jo vetëm. Gjithsesi pas 9 javësh kampionat, diferenca mes Dortmundit kryesues dhe Bayernit të Mynihut reduktohet në 2 pikë.
![](https://shqiptarja.com/template/img/NO_ALFA_Kuadrate shqiptarja.png)
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)