Bayern Munich 'kyç' portën, dy rinovime për kampionët e Gjermanisë

Bayern Munich 'kyç' portën, dy rinovime për kampionët e Gjermanisë

Manuel Neuer dhe Sven Ulreich

Bayern Munich ka rënë dakord për zgjatjen e kontratave me një vit për dyshen e portierëve Manuel Neuer dhe Sven Ulreich, duke rinovuar me veteranët deri në vitin 2025. 37 vjeçari Neuer së fundmi u rikthye në formacionin fillestar të Bayernit pas pothuajse një viti jashtë fushës, pas një thyerje të këmbës që pësoi në Kupën e Botës 2022.

Në mungesë të tij, Bayern nënshkroi me Yann Sommer, por u nda me zviceranin në verë dhe në vend të kësaj besoi te 35-vjeçari Ulreich, i cili bëri 12 paraqitje këtë sezon përpara se t'ia kthente vendin Neuerit. Një muaj pas kthimit të Neuer-it, Bayern e ka lidhur dyshen me kontrata të reja një vjeçare.

"Jam i lumtur që do të qëndroj te Bayern edhe për një vit. Pas dëmtimit tim të gjatë, jam rikthyer në ritëm të plotë. Është kënaqësi e madhe për mua të jem në fushë me këtë ekip. Jam i sigurt se, së bashku me tifozët, ne mund t'i arrijmë qëllimet tona të mëdha në vitet e ardhshme dhe padyshim që finalja e Ligës së Kampionëve të 2025-ës në Mynih është një prej tyre. Të dish që ende kam Sven në krah e bën atë edhe më të bukur", tha Neuer.

S.DH/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Shpërthimi fatal për babë e bir në Lushnje, a keni siguri në vendin tuaj të punës?



×

Lajmi i fundit

Vlorë, i djegin BMWX5 në oborrin e banesës (EMRI)

Vlorë, i djegin BMWX5 në oborrin e banesës (EMRI)