BE nënshkroi ditën e sotme marrëveshjen me Shqipërinë për ofrimin e 15 milionë eurove për ndërtimin e 22 shkollave të dëmtuara nga tërmeti i 26 nëntorit. Ndërsa kjo ndihmë jepet për të ardhmen dhe se BE mban premtimet e saj kundrejt Shqipërisë.
Gjatë mbledhjes së zhvilluar online morën pjesë ministri për Rindërtim, Arben Ahmetaj, ambasadori i BE, Luigi Soreca, Përfaqësueses së Përhershme të UNDP-së, znj. Limya Eltayeb dhe zv.ministri i Arsimit, Oltion Rrumbullaku. Nga programi “BE për shkollat” do të përfitojnë 7 500 nxënës dhe mësues shkollash.
Ambasadori i BE-së në Shqipëri, z. Luigi Soreca, u shpreh se KE mbajti premtimin për ndihmë duke theksuar se Shqipëria është afër zemrave tona.
“Ne premtuam ndihmë dhe po e ofrojmë atë shpejt. Shkollat janë mishërimi më i mirë i ringritjes dhe besimit në të ardhmen. Nisja e asistencës së ofruar nga BE pas tërmetit me shkolla të standardit më të lartë ndërkombëtar është veprimi më i mirë për t’u ndërmarrë. Përgjigja e Bashkimit Evropian tregon edhe njëherë se Shqipëria jo vetëm është afër gjeografikisht, por edhe afër zemrave dhe mendimeve tona”, tha Soreca.
Edhe pse e gjithë bota ndodhet në një situatë të vështirë për shkak të COVID-19, Ministri Ahmetaj falënderoi KE që mbajti premtimin për grantin prej 115 milionë eurosh për rindërtimin e Shqipërisë pas tërmetit, ku 15 milionë euro janë për rindërtimin e 22 shkollave
"Në të gjithë zonat e prekura nga tërmeti i 26 nëntorit janë 103 shkolla të dëmtuara. Një pjesë e mirë e tyre janë në proces prokurimi nga ana e Fondit Shqiptar të Zhvillimit dhe Bashkisë Tiranë. Firmosja e kësaj marrëveshjeje i shton kësaj liste edhe 22 shkolla të tjera. Kjo tregon që ne nuk jemi vetëm edhe në një kohë të vështirë si kriza e COVID-19 dhe se Bashkimi Europian e donatorë të tjerë janë sërish me ne”, tha Ahmetaj.
Përfaqësuesja e Përhershme e PNUD-it në vendin tonë, Limya Eltayeb tha se ky investim në shkolla është një mbështetje që shkon për të ardhmen tonë, për fëmijët dhe brezin e ri, ndërsa siguroi se mbështetja e PNUD do të vijojë për Shqipërinë edhe për rimëkëmbjen pas COVID-19.
“Kush më mirë se djemtë dhe vajzat, të rinjtë, mësuesit e prindërit duhet të jenë në fokusin e rindërtimit të Shqipërisë”, tha Eltayeb.
Komente
Lajme të tjera
-
Tërmeti shkund edhe Qipron, forca 4.3 ballë, s’ka raportime për të lënduar
24 Dhjetor, 20:48 -
Greqi/ Tërmeti shkund Patran, forca 4,7 ballë! Nuk raportohet për të lënduar, por ka shkëputje masive gurësh! Frikë për paslëkundje, panik te banorët
21 Dhjetor, 18:33 -
Protestoi te ‘Infrastruktura’ se nuk i jepnin fondin e rindërtimit, 62-vjeçares i premtohet zgjidhje pas denoncimit në Report Tv! Natën e kaloi para Ministrisë
18 Dhjetor, 08:50 -
Lëkundje tërmeti në Shqipëri, epiqendra në Burrel
17 Dhjetor, 18:05 -
Tërmeti i shkallës 7,3 ballë në Vanuatu, deri tani një viktimë, shumë trupa nën rrënoja! Dëmtohen ambasadat amerikane dhe franceze
17 Dhjetor, 09:00 -
Lëkundje tërmeti janë ndjerë orët e para të mëngjesit në Kosovë! Epiqendra ishte në Prizren
12 Dhjetor, 09:55 -
Dosja ‘Buka’, GJKKO nuk nis gjykimin për Ahmetajn, i jep SPAK 3 muaj kohë të plotësojë hetimet
10 Dhjetor, 13:48
-
Kreshnik Spahiu: Pastroni politikën duke sekuestruar 10 telefonat e oligarkëve dhe jo 10 grave apo vjehrrave…
9 Dhjetor, 16:22
-
‘Unë mund të vdes! Djalin e kam me epilepsi’, thirrja e të moshuarit në Lezhë që ka mbetur në kasolle 5 vite pas tërmetit
26 Nëntor, 17:00
-
5 vite nga tërmeti vendi ende në rindërtim! Janë dorëzuar 11,663 banesa e apartamente, kostoja në buxhet arrin 920 mln euro
26 Nëntor, 16:39
-
Pesë vite nga tërmeti, 1123 familje ende pa shtëpi në Durrës! Procesi i rindërtimit i vonuar dhe në Lezhë, Kurbin e Krujë
26 Nëntor, 16:36 -
‘Dy vite mësim me turne, fëmijët vijnë në shtëpi natën!’ Protesta në Golem të Lushnjes nxjerr në pah propagandën për ‘rilindjen e shkollës’
19 Nëntor, 08:38
