Belgjika ndalon përdorimin e aplikacionit TikTok në telefonat e punës të zyrtarëve të qeverisë

Punonjësit e qeverisë federale belge nuk do të lejohen më të përdorin aplikacionin video në pronësi kineze ‘TikTok’ në telefonat e tyre të punës. Vendimi u bë i ditur të premten nga kryeministri belg Alexander De Croo.

De Croo tha se këshilli belg i sigurisë kombëtare kishte paralajmëruar për rreziqet që lidhen me sasitë e mëdha të të dhënave të mbledhura nga TikTok, e cila është në pronësi të firmës kineze ByteDance, dhe faktin që kompanisë i kërkohet të bashkëpunojë me shërbimet e inteligjencës kineze.

“Ky është realiteti. Kjo është arsyeja pse është logjike të ndalohet përdorimi i TikTok në telefonat e ofruar nga qeveria federale. Siguria e informacionit tonë duhet të mbizotërojë"- u shpreh kryeministri belg.

LEXO EDHE:
Policia belge ndalon shtatë të dyshuar për planifikim të sulmit terrorist

Komisioni dhe Parlamenti Evropian muajin e kaluar e ndaluan TikTok nga telefonat e stafit për shkak të shqetësimeve në rritje në lidhje me kompaninë dhe nëse qeveria e Kinës mund të mbledhë të dhënat e përdoruesve ose të avancojë interesat e saj.

Pekini ka mohuar rregullisht të ketë ndonjë qëllim të tillë. Qeveria rajonale flamande e Belgjikës të enjten njoftoi se do të kufizonte aksesin në TikTok në telefonat e stafit të saj dhe qeveritë e tjera rajonale u nxitën nga De Croo të zbatonin të njëjtat rregulla.

B.V/Shqiptarja.com

TAG:
• belgjike
• tik tok