Beogradi kundër Kosovës për
emrin e listës unike “Serbija”
Pikërisht emri i listës unike “Serbija” është arsyeja për shtyrjen e mbledhjes së KQZ-së, që ishte caktuar për të enjten, në të cilën duhet të bëhej verifikimi i listave zgjedhore të dorëzuara në KQZ.
BEOGRAD - Beogradi ka paralajmëruar se do ta hedhë poshtë kërkesën që pritet të bëhet nga Komisioni Qendror Zgjedhor (KQZ) i Kosovës që t’i ndërrohet emri listës unike të serbëve “Serbija” , e cila ka aplikuar për regjistrim në KQZ.
Gazeta e Beogradit “Novosti” shkruan se në rrugë diplomatike ka marrë vesh se Beogradi e ka paralajmëruar Bashkimin Evropian për mundësinë që KQZ të mos e regjistrojë listën unike “Serbija”, për shkak të emrit të saj. Sipas gazetës, kryeministri serb Ivica Daçiq do ta shtrojë këtë çështje në takimin e radhës me homologun e tij kosovar, Hashim Thaçi, të dielën, në Bruksel.
Sipas burimeve të gazetës, pikërisht emri i listës unike “Serbija” ka qenë arsye për shtyrjen e mbledhjes së KQZ-së, që ishte caktuar për të enjten, në të cilën duhet të bëhej verifikimi i listave zgjedhore të dorëzuara në KQZ.
Autoritetet në Serbi kanë paralajmëruar se do të përdorin të gjitha mjetet për të zmbrapsur kundërshtarët e emërtimit të listës unike. Disa prej tyre kanë shkuar aq larg sa refuzimin eventual të listës “Serbija”e kanë cilësuar “fatal” për marrëveshjen e Brukselit.
“Emërtimi ‘Serbi’ nuk e paragjykon statusin e Kosovës dhe është në përputhshmëri të plotë me marrëveshjet e Brukselit. As nuk vjen në konsiderim ndryshimi i këtij emri”, citohet të ketë thënë Milovan Dreçun, kryetar i Këshillit për Kosovën në Kuvendin e Serbisë.
Në listën unike të serbëve “Serbia”, prapa të cilës qëndron Qeveria e Serbisë, gjenden kandidatët për kryetarë të 22 komunave të Kosovës. Shumica prej tyre janë kandidatë të partive që e kanë bazën në Beograd. Sipas zyrtarëve të qeverisë, lista synon shtimin e pranisë së Serbisë në Kosovë.
“Objektiv i listës unike është rritja e prezencës së Serbisë në Kosovë, përfaqësimi më ënergjik dhe më i vendosur i të drejtave të serbëve të Kosovës dhe shtimi i sigurisë për ta”, ka thënë shefi i Zyrës për Kosovën të qeverisë serbe, në Graçanicë, Branimir Stojanoviq.
Por, të këtij mendimi nuk janë serbët që janë kandidatë të listave të tjera zgjedhore. Oliver Ivanoviq, kandidat për kryetar të Mitrovicës veriore, ka thënë se pjesëmarrja e serbëve me më shumë lista zgjedhore mund të shkaktojë shpërndarjen e votave.
Redaksia online
(ac/sg/shqiptarja.com)
Sondazhi i ditës:
'Rasti Qefalia', a fshihen gjobat pas akuzave të Këlliçit, Nokës, opozitës?
-
Po
69.3%
-
Jo
19%
-
Ndoshta
11.6%
Vota total: 2241
Votat totale janë unike
Lajme të tjera
-
Zgjedhjet në Himarë/ 23 mijë e 74 qytetarë me të drejtë vote! KQZ miraton numrin e fletëve të votimit
20 Korrik, 13:00
-
Zgjedhjet në Himarë, Kolegji Zgjedhor: KQZ të paraqesë projektvendim të ri për afatet
17 Korrik, 14:55
-
PS padit KQZ në Apel: Të miratojnë menjëherë afatet për zgjedhjet në Himarë
15 Korrik, 09:58
-
Zgjedhjet në Himarë/ Celibashi nuk tërhiqet: Heqja e mandatit të Belerit, e drejtë! Vendimi i komisionit rregullator nuk pengon procesin
11 Korrik, 14:38
-
Opozita merr shumicën e komisionerëve të KZAZ në Himarë
11 Korrik, 14:00
-
Dekriminalizimi/ KQZ nis verifikimin e kryebashkiakut të PS në Malësisë së Madhe! PD e akuzon Tonin Marinaj për trafik droge në Itali
11 Korrik, 12:35
-
‘Zgjedhorja’ ambasadori i OSBE-së apel: Emigrantët të votojnë! PD-PS pranojnë dështimin e Reformës, fajësojnë njëra-tjetrën
9 Korrik, 10:23
-
Mero Baze: Pse PD është shqetësuar nga zgjedhjet e reja të 4 gushtit
5 Korrik, 21:03
-
Fatura e zgjedhjeve të 2025-ës më 'e kripur' se e 2021! Qeveria planifikon 20 mln euro, por KQZ kërkon 66 mln euro: Për teknologjinë, votim elektronik në 8 bashki
5 Korrik, 14:05
-
U dënua për blerje votash, Fredi Belerit i hiqet mandati si kryetar i Himarës! Mbrojtja: Ta shkarkonte Rama! Dule: Vijojmë përballjen ligjore
5 Korrik, 10:02
-
Pas kërkesës së PD për verifikimin e kryebashkiakut të Malësisë së Madhe, Prokuroria e Përgjithshme vihet në lëvizje! Letër KQZ
4 Korrik, 14:30
-
Fredi Beleri kërkon të jetë në seancë, shtyhet për nesër vendimi i KQZ për mandatin si kryebashkiak i Himarës
4 Korrik, 11:29