Berat/ I dehuri në timon ngre 'në ajër' motoçiklistin që shpërndante pica, përplas edhe 4 makina të parkuara

Një 27-vjeçari  dehur në drejtimin e një makine ka humbur kontrollin dhe ka hedh 'në ajër' motoçiklistin që shpërndante pica dhe më pas është përplasur me 4 makina të parkuara duke përfunduar brenda lulishtes së qytetit të Beratit. Aksidenti është shënuar mbrëmjen e djeshme në qendër të qytetit të Beratit, ku mjeti tip Renault me targa AB 906 AR,që drejtohej nga një 27-vjeçar që ishte i dehur në timon.

Pasi ka përplasur dhe hedhur në ajër në afërsi të Urës së Varur një motoçiklist që shpërndan pica në qytet,27-vjeçari ka fluturuar në rrugën përgjatë lumit,duke përplasur 4 mjete të parkuara në rrugë dhe më pas ka përfunduar brenda lulishtes së qytetit. Pas aksidentit drejtuesi i motoçikletës ka marrë plagë të rënda dhe është transportuar me urgjencë drejt Spitalit Rajonal të Beratit.

Drejtuesi i dehur, Tajar Hysko, shkaktar i aksidentit  ka dalë pa lëndime nga makina dhe është ndaluar nga policia. Si pasojë e aksidentit të rëndë një 33-vjeçar që qarkullonte me motorin e picave është në gjendje të rëndë dhe 4 mjete të parkuara në rrugë janë shkatërruar.

Makina e autorit

TAG:
• Berat
• Aksidenti