BERAT- Një 32-vjeçar është proceduar penalisht në gjendje të lirë ditën e sotme në berat pasi ka kundërshtuar punonjësin e tatimeve.

Mësohet se 32-vjeçari me inicialet D.H, ka kundërshtuar punonjësit e tatimores, 29 vjeçarin me inicialet F.A dhe 31 vejçarin me inicialte T.Xh. në ambientet e farmacisë së tij.

Nuk bëhen ende të ditura shkaqet që çuan në kundërshtinë e punonjësve të tatimores.

Materialet i kaluan Prokurorisë së Rrethit Gjyqësor Berat për veprat penale ‘’Kundërshtim i punonjësit që kryen një detyrë shtetërore ose një shërbim publik’’ dhe ‘’Kanosje për shkak të detyrës’’

Njoftimi plotë i policisë:
Më datë 27.08.2017, filloi procedimi penal në gjendje të lirë për shtetasin:
D.H, 32 vjeç, banues në Berat, pasi në ambjentet e farmacisë së tij ka kundërshtuar e kanosur punonjsit e Inspektoriatit Tatimor, shtetasit F.A 29 vjeç, banues në Sarandë dhe T.Xh 31 vjeç, banues në Gjirokastër.
Materialet i kaluan Prokurorisë së Rrethit Gjyqësor Berat për veprat penale ‘’Kundërshtim i punonjësit që kryen një detyrë shtetërore ose një shërbim publik’’ dhe ‘’Kanosje për shkak të detyrës’’, parashikuar nga nenet 235 dhe 238 të Kodit Penal.

Redaksia Online
J.Sh Shqiptarja.com