Shkroi historinë me Marokun dhe eliminoi dy superfuqi të futbollit, trajneri: Jemi si 'Roki Balboa' në Botëror

Trajneri i Marokut, Waild Regragui foli pas fitores 1-0 të skuadrës së tij kundër Portugalisë dhe avancimit në gjysmëfinalen e Kupës së Botës. Pasi larguan Spanjën nga kompeticioni, tanimë Maroku largon edhe Portugalinë.

"Pas Spanjës ia dolëm përsëri të triumfonim ndaj një ekipi të madh si Portugalia. Dhamë maksimumin, kishim disa lojtarë të dëmtuar, por ata që luajtën dhanë gjithçka deri në fund. Ky grup ka një shpirt të lartë gare. Para ndeshjes u thashë lojtarëve që ishte momenti të shkruanim historinë për Afrikën. Jam shumë, shumë krenar për ta. Kur sheh filmin Roki Balboa, t’i dëshiron të bëhesh Roki Balboa, pasi ai punon shumë. Ne jemi Roki i kësaj Kupe Bote", tha Regragui. Për herë të parë në histori, një ekip afrikan merr biletën për në gjysmëfinalet e një Kupe Bote.

Lajmi kryesor:

KATAR 2022/ Surprizat s'kanë fund, Portugalia jashtë Kupës së Botës! Maroku skuadra e parë afrikane në histori që prek gjysmëfinalet, Ronaldo në lot (VIDEO)

S.DH/Shqiptarja.com

TAG:
• katar 2022