Berisha akuza kreut të shtetit: Udhëtimi i Ramës dhe Begajt për në OKB, më i kushtueshmi! Rama refuzoi ta pranojë në avionin e tij

Ish kryeministri Sali Berisha ka akuzuar kreun e shtetit, Bajram Begaj dhe kryeministrin Rama se po zhvillojnë një ndër udhëtimet më të kushtueshme të përfaqësuesve të një shteti. Duke folur për udhëtimin që do të zhvillojnë Rama e Begaj në Nju Jork në kuadër të mbledhjes së OKB, Berisha pretendon se po shpenzohet gjysmë milionë euro nga buxheti i qytetarëve për këtë udhëtim ndërsa edhe Begajn e akuzon për vjedhje të përditshme.

“Mos harroni se udhëtimi për në OKB i Edi Ramës dhe presidentit të vendit, do të jetë njëri nga udhëtimet më të kushtueshme të përfaqësuesve të një shteti.

35 vetë ndodhen në delegacionet e tyre në Nju Jork.

LEXO EDHE:
Spahiu: Komike, Erion Veliaj pyetet për 4 bileta në 2011, Berisha nuk pyetet as për 4 të vrarë në 2011 gjithashtu

Një numër i tillë i madh është më i pazakonti dhe do të thotë, po të keni parasysh se Edi Rama refuzoi të pranojë në Ismailin e tij, delegacionin e kryetarit të shtetit, do të thotë një shpenzim gjer në gjysmë milionë euro nga buxheti i qytetarëve.

Po ky është vetëm njëri aspekt.

Vjedhjet e tyre janë të përditshme dhe të pafundme.

U bëj thirrje qytetarëve të ushtrojnë presionin më të madh ndaj deputetëve, në mënyrë që të votojnë në emër të interesave më jetike të shqiptarëve në nevojë, ligjin për minimumin jetik.”- tha Berisha.

Në OKB, Shqipëria do të drejtojë dy takime të rëndësishme, takimin për bashkëpunimin për shpërndarjen e shpejtë dhe efektive të ndihmave humanitare kudo në botë në kohë krizash, në situata lufte, apo në situata katastrofash natyrore.

Në diskutimin e dytë të rëndësishëm, pritet të marrë pjesë edhe presidenti i Ukrainës Volodimir Zelensky, për shkak se aktiviteti do t’i dedikohet luftës në Ukrainë, ku pjesëmarrësit do të përfshihen në një debat të hapur.

Shqipëria e mori për herë të parë Presidencën në Këshillin e Sigurimit të Kombeve të Bashkuara në periudhën 1 qershor – 30 qershor 2022. Vendi ynë u zgjodh anëtarë e përkohshme e institucionit më të rëndësishëm të sigurisë në glob me votë thuajse unanime nga Asambleja e Përgjithshme për një mandat i cili filloi në janarin e vitit 2022 dhe përfundon në fund të 2023.

TAG:
• sali berisha
• OKB
• edi rama
• Bajram Begaj

Sondazhi i ditës:

Si ka qenë për ju viti 2024?

• I mirë

  44.1%

• I keq

  22.7%

• As i mirë as i keq

  33.2%

Vota total: 1500

Votat totale janë unike

• Sondazhi i ditës:

  Si ka qenë për ju viti 2024?

  I mirë I keq As i mirë as i keq