Berisha ‘non grata’ rikthen kujtimet e vjetra me amerikanët! Shfaq dokumentarin, e ‘fshin’ çdo gjurmë të partisë së Metës

Në çelje të fushatës elektorale për zgjedhjet vendore të 14 majit, koalicioni Meta-Berisha ka prezantuar një dokumentar! Dokumentari fshinte çdo gjurmë të Partisë së Lirisë, partia ku Sali Berisha ka gjetur strehë që të regjistrohet në zgjedhje, tregohej historiku i periudhës së ‘lavdishme’ PD-së.

Madje Sali Berisha, i shpallur ‘non grata’ nga SHBA kishte rizgjuar edhe kujtimet me amerikanët, ku shfaqte në video momentin e takimit me Hilary Clinton si dhe presidenti George Bush.

‘Këto ishin ditët më të mira për shqiptarët kudo që jetonin! PD ishte një shkallë që po e ngjiste Shqipërinë lart në aspiratat e Europiane. PS nuk ka arritur kurrë fitore që ti përafrohen demokratëve.’- thuhej në dokumentar.

Rikthimi i Berishës, në dokumentar cilësohej si shpëtimtari i PD-së.

‘Rithemelimi shpëtoi PD-në nga kthetrat e atyre që e kishin projektuar si një parti kukull. PD arriti të shpëtonte opozitën.’- thuhej në të.

Në pamje nuk mungonin edhe momente kur Berisha kishte konsiderata për Lulzim Bashën, të cilin tashmë e quan si peng të Ramës.

Lajmi kryesor:

Koalicioni opozitar çel fushatën tek ‘Air Albania’! Berisha: Starti ynë ka tmerruar Ramën e lolot e tij! Meta: Do sjellim përmbysjen e korrupsionit

M.Q./Shqiptarja.com

TAG:
• Partia e Lirise
• zgjedhjet vendore 2023
• sali berisha
• Ilir Meta
• Air Albania