Berisha akuza Ramës për vizitën në Beograd: Ai Shqipërinë e do serbisht

 

Nga oborri i Kuvendit, Sali Berisha paralajmëroi sot për protesta “të fuqishme” kundër Qeverisë, në mbrojtje të interesave të shqiptarëve. Berisha nuk dha datë për nisjen e protestave, por tha se opozita do të mblidhet për të përcaktuar detajet e organizimit.

“Do të ketë protesta të fuqishme. Do të mblidhet fronti opozitar për shpëtimin e Shqipërisë, do të miratojë një agjendë e cila ka si synim një protestë të qëndrueshme popullore në mbrojtje të interesave shqiptarë. Largimi i mazhorancës është shpëtimi i Shqipërisë”, u shpreh Berisha.

LEXO EDHE:
Vizita e Ramës në Athinë, Mitsotakis: Greqia s'do ta ndalonte kurrë një lider të huaj të takonte bashkëatdhetarët e tij! Koha, jo e duhura

Gjatë deklaratës për mediat, Berisha e cilësoi kryeministrin Rama si “armikun më të egër të Shqipërisë”, ndërsa tha se me vizitën e tij të fundit në Beograd në kuadër të Ballkanit të Hapur, Rama “dëshmoi se Shqipërinë e do serbisht”.

Më tej, Berisha la të kuptohet se Rama do të dënohet me shumë vjet burg për vjedhjet që ka bërë gjatë qeverisjes, gjë që do e “pengojë” për të shkuar në Beograd, ku sipas Berishës “ka vendin”.

“Armiku i egër për çdo shqiptar është Edi Rama. Sot vendi ka një opozitë më të fuqishme se ndonjëherë. Rama ishte në Beograd, dëshmoi se Shqipërinë e do serbisht dhe atje do të shkojë, nëse e lejojnë. Ai duhet të japë llogari për të gjitha vjedhjet para ligjit shqiptar, ato vepra penale bëjnë shumë dekada dënim për Edi Ramën”, tha Berisha.

Lajmi kryesor:

Berisha: Ky Kuvend nuk mbrojti qytetarët me asnjë paketë ekonomike! Shihni Kosovën, jep nga 100 euro, çmimet i ka 30% më të ulëta

D.GJ/r.k./Shqiptarja.com

TAG:
• sali berisha
• Protesta
• edi rama
• ballkani i hapur