Edhe pse i vetëdijshëm që është pjesë e sekretit hetimor, Sali Berisha bëri publik nga SPAK një dokument të dosjes, pjesë e hetimit ndaj Irena Gjokës, në të cilën paraqitet dëshmia e gjyqtares pas kallëzimit nga PD se nuk ka deklaruar në formularin e dekriminalizimit, një vendim gjyqësor shtetit grek në 2005 për falsifikimin e pasaportës.

Dëshmia në të cilën, Irena Gjoka thotë se nuk ka qenë në dijeni të asnjë procesi penal ndaj saj në Greqi, Berisha thotë se nuk është firmosur nga 2 hetuesit e Byrosë Kombëtare të Hetimit, të cilët e kanë marrë në pyetje. 

Gjyqtarja, të cilën e akuzon për ndryshim gjeneralitetesh, e pranon që 3 pasaporta i ka marrë gjatë qeverisjes së tij pa i deklaruar të humbura, duke pranuar se pushteti i tij nuk ishte krejt i pafajshëm.

Sali Berisha: A e dini ju që Irena ka marrë tre pasaporta nga viti 2004 në 2007? Ndërrimi i pasaportave, ndërrimi i emrave ka qenë profesioni i saj.

Gazetarët: I paska bërë në qeverinë tuaj.

Sali Berisha: Po pse, krejt pa mëkate fare ka qenë qeveria ime, thua ti? Po ka ndodhur, ajo ka korruptuar, ka korruptuar ndonjë ajo? Pa diskutim.

Por teksa publikon pa hezitim pjesë nga dosja e hetimit për Irena Gjokën, për dosje të tjera të korrupsionit qeveritar, Berisha heziton të publikojë fakte. Për rastin e dosjes Balluku, justifikohet se: “Aty ka bashkëpunëtorë të drejtësisë dhe unë në asnjë rrethanë nuk pranoj kurrë që ata të tradhtohen. Për mua bashkëpunëtorët e drejtësisë janë njerëz shumë të çmuar, pavarësisht se kanë bërë gabime”.

Ish-kryeministri Sali Berisha ishte në SPAK në zbatim të masës detyrim paraqitje, i pandehur për korrupsion në aferën Partizani. Nga dyert e drejtësisë, shmangu komentet për zgjedhjet pa garë për kreun e PD-së.

“Shumë bukur. Së pari, edhe një herë, Partia Demokratike… po sikur ta lëmë për jo këtu”, tha ai.

Rendit zhvillimet sipas orarit:
Ora 11:20
‘Irena Gjoka ndërroi 3 herë pasaportën’, Berisha pranon gabimin: Qeveria ime s’ka qenë pa mëkate

Edhe pse me akuza për gjyqtaren Irena Gjoka që e quan “Irena me shumë mbiemra” duke thënë se ka ndërruar “3 herë pasaportën”, Sali Berisha pranoi se këto kanë ndodhur gjatë qeverisjes së tij. Ndërsa sot akuzon qeverinë se është e korruptuar, kryetari i PD tha se edhe në të tijën ka ndodhur e njëjta gjë.

Sali Berisha: A e dini që Irena ka marrë 3 pasaporta nga 2004-2007? Ndërrimin e mbiemrave dhe pasaportave e ka profesion.

-E paska bërë në qeverinë tuaj.

Sali Berisha: Pse, pa mëkate fare ka qenë qeveria ime thua ti? Ka korruptuar.

P.J/Shqiptarja.com

P.J/SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 5 Maj, 08:35

    Gjykata e Lartë frenon Prokuroritë dhe Gjykatat për arrestin me burg, si e vlerësoni?

Lajme të tjera