Kryetari i Partisë Demokratike tha sot (16 Janar) se kryeministri Edi Rama ia dha Sazanin dhëndrit të presidentit amerikan Donald Trump për qëllime dhe influencë politike.
Nën akuzë dhe i pandehur nga SPAK prej më shumë se një viti për aferën në dosjen “Partizani”, Sali Berisha doli në një komunikim (bashkëbisedim) me ndjekësit e tij në rrjetet sociale, duke u përgjigjur me konferencë live në Facebook. Ai u shpreh se për Sazanin ka pasur kërkesa dhe oferta për Sazanin nga shumë biznesmenë dhe investitorë që prej vitit 2001, por qeveria së fundmi vendosi ta jepte të Jared Kushner.
Shumica e komentuesve që pyesnin ishin me pseudonime si "Komisari Memo" apo dhe "Veshi i shurdhër". Ish-kryeministri shpalli programin e shpërblimit të të gjithë personave që japin informacione të sakta për pasuritë e zyrtarëve dhe qeveritarëve shqiptarë, teksa do ngrejë komision edhe për hetim ndërkombëtar, me qëllim kthimin te qytetarët.
“Do e shpallim korrupsionin krim të rëndë. Korrupsioni do shpallet vepër penale e rëndë. Do presë me gërshërët e ligjit dorën e pushtetarëve dhe zyrtarëve që do guxojë të fusi dorën në xhepat e qytetarëve”, tha kreu i selisë blu.
Berisha foli edhe për situatën e rënduar ekonomike, kullat e narkoeuros dhe krimit të organizuar, i cili sipas tij është i lidhur edhe me qeverinë dhe ritheksoi programin e PD në 100 ditët e para me vendosjen e minimumin jetik dhe pagës minimale 500 euro.
Gjithashtu ai komentoi uljen në gjunjë të Ramës ndaj Melonit, duke e quajtur “teatralitet i neveritshëm”, duke nënvizuar se Rama është i aftë të bëjë gjithçka për pushtet, madje edhe të përdorë partitë opozitare kundër opozitës për të sulmuar PD. I pyetur për investimin strategjik të Kushner në Sazan, me vlerë 1,4 mld dollarë ai tha:
“Nga viti 2001 e deri sot Sazani është ofruar në mënyrë peroiodike biznesmenëve të ndryshëm, por Edi Rama e bëri edhe për qëllime influence politike. Ne nuk jemi kundër ofertave që janë sipas ligjit. Por e theksojmë se Rama e ka përdorur në qëllime politike. Është në tagrin e shqiptarëve ta vlerësojnë këtë përdorim”, u shpreh ai.
Ai shtoi se Rama po përdor partitë opozitare kundër PD:
“Rama dhe të tijët kanë vënë objektiv kryesor në sulm PD-në, se mendojnë se do fitojnë besimin e qytetarëve. Problem nuk është opozita, por kleptokracia dhe narkoshteti. Pse vendosen këto forca si opozitarë të opozitës? Le ta gjykojnë vetë qytetarët, por mendoj se është rol kompromentues”, theksoi kreu i PD.
I pyetur për takimin Rama-Meloni dhe uljen në gjunjë të kryeministrit, ai e quajti teatër.
“Teatralitet i neveritshëm. Por mos u çudisni të marrë çdo vendim, të kryejë çdo gjest, të bëjë gjithçka për pushtetin e qeverisë”, tha Berisha.
Kurse për pronat e zyrtarëve dhe sekuestrimin e tyre shpjegoi se PD ka strategji për këtë pikë, duke shpërblyer edhe informatorët.
“Do jepen shpërblim për çdo informacion për pasuritë e zyrtarëve shqiptarë. Do ketë një komision për të evidentuar dhe bllokuar këto pasuri, për t’ia kthyer qytetarëve shqiptarë. E patë ju se kryetari i bashkisë doli me pronë të Sky Tower, do të ketë hetim ndërkombëtar për të gjitha këto”, shton ai ndër të tjera.
Kurse i pyetur për kullat e biznesit dhe të tjerat që ngrihen në Tiranë ai u shpreh:
“Kush përftiton nga kullat e Tiranës, monumente të drogës dhe korrupsionit. Çmimet stratosferike, shumë më të shtrenjta se në Bruksel, Vjenë dhe qytete të tjera perëndimore. Për të blerë një apartament një qytetar shqiptar duhet të punojë 104 vite. Asnjë kullë është qëllimi ynë, zero tolerancë ndaj krimit, asnjë qindarkë nga narkoeurot, që janë toksike. Do bazohemi te iniciativa e lirë dhe sistemi fiskal, biznesi me barrë të ulët fiskale, konkurrencë e ndershme”.
Komente
Lajme të tjera
-
Ish Vila e Enver Hoxhës bëhet rezidencë për artin shqiptar e të huaj, Rama: Do jetë shtëpi e 'degjenerimit modernist', ish-diktatori do ‘rrotullohet në varr’
16 Janar, 16:28 -
Kryeministri Rama nesër takim me drejtuesit politikë të qarqeve, në fokus vota e diasporës dhe regjistrimi i emigrantëve
16 Janar, 15:57 -
TikTok po përgatitet për mbylljen në SHBA nga e diela, Trump mund të bllokojë ndalimin e platformës me 90 ditë
16 Janar, 15:37
-
Lapardhaja për Report Tv: PD është kthyer në një kosh për të korruptuarit, Berisha e ka marrë peng për hallin personal
16 Janar, 14:46 -
Afera Partizani/ Ja pse Apeli i GJKKO caktoi detyrim paraqitjeje për Berishën: Është kryetari i opozitës, jemi në prag fushate por s’mund të shuhej masa e sigurisë! (DOKUMENTI)
16 Janar, 14:45 -
Vendparkim shumëkatësh në QSUT, do ketë 1400 vende parkimi! Me strukturë hoteliere e pistë për helikopterët në tarracë! Rama e ministrja inspektojnë punimet
16 Janar, 12:24 -
NYT: Shqipëria dritë jeshile projektit të Jared Kushner ndërsa Trump kthehet në Shtëpinë e Bardhë! Qeveria do pastrojë ishullin nga municionet
16 Janar, 11:29 -
Çfarë ka pas marrëveshjes 1 miliard euro Rama - Meloni me Emiratet Arabe
16 Janar, 11:24 -
Agron Tufa letër Berishës: Zgjedhjet për kryetar në degën nr.2 në Tiranë u manipuluan! Ogur i zi për zgjedhjet e 11 majit
16 Janar, 10:48 -
‘U bëre bozë çdo ditë në ekran’, Rama ‘debat’ me komentuesin: Për mua dita nis me ty, askush nuk është i detyruar të më ndjekë! Do them të vërtetat
16 Janar, 10:29 -
Fjalimi i lamtumirës/ Biden përshëndet Amerikën: Një oligarki e rrezikshme kërcënon demokracinë tonë
16 Janar, 08:59 -
Mero Baze: 35 me 14
16 Janar, 07:12
