Berisha shkeli sërish arrestin, avokat Beqiri: Eurodeputeti Brook mori 300 mijë euro që të mbante fjalim te ballkoni i ish-kryeministrit

Ish kryeministri Sali Berisha ka thyer sërish masën e arrestit të shtëpisë, duke ftuar dy ditë më parë në shtëpinë e tij ish-eurodeputetin gjerman të CDU-së, Elmar Brook.

Avokati Idajet Beqiri në një intervistë në “Studio Live” në Report TV tha se për të mbajtur fjalim nga dritarja e shtëpisë së Berishës ish eurodeputeti gjerman ka marrë 300 mijë euro.

“Në rast se ai vete se e ka mik dhe i vete prokurorit dhe i thotë e kam mik dhe dua ta takoj. Ia shtron problemin. Prokurori vlerëson që nuk sjell asgjë në procesin hetimor, nuk dëmton procesin që është, ia jep lejen dhe e takon, nuk ka asnjë problem. Por gjithmonë nga një person siç është prokurori në rastin konkret kur je në hetim. Kurse të vesh siç ka vajtur ky zotëria gjerman dhe ky po ta bënte këtë gjë në vendin e tij do kishte pasoja.

Por kuptohet këta kur i heqin nga detyra nuk mbajnë përgjegjësi dhe bëjnë gjëra të kësaj natyre, dhe aq më shumë ndihmojnë pensionin se kuptohet ai nuk ka ardhur pa ndonjë gjë që andej, pa lekë dhe pa i dhënë mirë, sepse lobohet në këto raste. I thuhet se me 300 mijë euro ti jeton sa të kesh jetën se aq shpenzime ke. 300 mijë euro, kaq e kanë bërë lobimin”, tha Beqiri në një intervistë me gazetarin Arbër Hitaj.

Kjo nuk është hera e parë që Berisha thyen masën e sigurisë “arrest shtëpie”, pasi pak javë më parë lejoi të futen në ambientet e shtëpisë gazetarët e Rai3 që e intervistuan. Madje edhe deklaratat e tij nga shtëpia pak ditë pas masës së arrestit janë në thyerje të vendimit të GJKKO.

/SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Xhevat: 17/05/2024 12:02

    Po qka tu duk ty ai eurodeputeti, po mendon si deputetet e PS së, jo more zotëri ai mirë e din se qka bën po mos ja fut kot,këtë prrall maje për vete...

    Përgjigju
  • Sondazhi i ditës:

    Shqipëria luan ndaj Italisë sfidën e parë në Euro 2024, kush fiton?



×

Lajmi i fundit

Protesta te Bashkia, Belind Këlliçi kërcënon drejtorët e policisë: Jeta është e gjatë, do ta paguani

Protesta te Bashkia, Belind Këlliçi kërcënon drejtorët e policisë: Jeta është e gjatë, do ta paguani