Kryetarja e Kuvendit të Serbisë, Ana Bërnabiq, tha se propozimi i një rezolute për gjenocidin në Srebrenicë është një "farsë" dhe se ajo kurrë nuk ka qenë më e shqetësuar për paqen në Ballkan sesa tani.
"I ftoj të gjithë nga Bashkimi Evropian (BE) të pyesin veten se si do të duket Bosnjë e Hercegovina pas votimit të rezolutës. A do të jetë një vend më paqësor, më i qëndrueshëm, ku të ketë mirëkuptim më të madh ndërmjet boshnjakëve, kroatëve dhe serbëve, ose më të paqëndrueshëm”, tha ajo për televizionin TV Pink në Serbi.
Ajo deklaroi se, para së gjithash, këtë e bëri Gjermania, e më pas të gjithë ata nga Bashkimi Evropian dhe të gjithë ata që do të votojnë për rezolutën, transmeton Beta.
Bërnabiq pyeti se si do të ndihen sot serbët në Bosnje e Hercegovinë, në Republika Sërpska, në Federatë...
“Turp për ju, sidomos për ju nga Gjermania, turp për ju, atë që po i bëni popullit në Ballkan, gjithë popullit në Ballkan, para së gjithash popullit serb, por edhe të gjithëve në Ballkan. Kjo nuk po i sjell askujt asgjë të mirë”, tha Bërnabiq.
Asambleja e Përgjithshme e Kombeve të Bashkuara do të votojë më 23 maj për një rezolutë që shpall 11 korrikun si Ditën Ndërkombëtare të Përkujtimit të Gjenocidit të Srebrenicës dhe dënon mohimin e gjenocidit dhe glorifikimin e kriminelëve të luftës.
Sponsorë të rezolutës janë Gjermania dhe Ruanda, ndërsa 32 vende janë bashkë-sponsorizues, duke përfshirë Shtetet e Bashkuara, Francën, Britaninë e Madhe dhe Italinë.
Këshilli Shtetëror i Serbisë në disa raste ka vlerësuar se rezoluta është një deklaratë politike që synon të vendosë një vulë kolektive në kokën e një kombi.
Në prag të seancës, në Beograd u shfaqën billborde me mesazhin "Ne nuk jemi një komb gjenocidal". Në to janë të theksuara stemat e Serbisë dhe të Republikës Sërpska, entiteti i Bosnje e Hercegovinës.
Rezoluta nuk përmend asnjë komb apo shtet.
Ajo u referohet fakteve të përcaktuara nga aktgjykimet e Gjykatës Penale Ndërkombëtare për ish-Jugosllavinë (ICTY) dhe Gjykatës Ndërkombëtare të Drejtësisë, si dhe nga gjykatat vendase. REL
Lajme të tjera
-
Një gazetari ruso-izraelit i ndalohet hyrja në Serbi
14 Qershor, 22:55 -
Gjermania: Normalizimi mes Kosovës dhe Serbisë nënkupton njohje të ndërsjellë
14 Qershor, 11:09 -
Hill: Njohja e Kosovës nuk është kusht për anëtarësimin e Serbisë në BE
13 Qershor, 20:25 -
Delegacioni serb largohet nga takimi në Sarajevë pasi u përmend 'anëtarësimi i Kosovës në KiE'
13 Qershor, 07:43 -
SHBA-ja bën thirrje për stabilitet dhe pajtim në Ballkan, pas "kuvendit gjithëserb"
11 Qershor, 23:02 -
Ambasadori i SHBA: Dialogu me Serbinë duhet të përfundojë me njohjen e Kosovës
11 Qershor, 12:14 -
I sanksionuar nga SHBA/ Aleksandër Vulin në vizitë zyrtare në Moskë, takohet me sekretarin e Këshillit të Sigurisë
10 Qershor, 19:20 -
Bosnja: Kuvendi gjithëserb, projekt i rrezikshëm i Vuçiçit
10 Qershor, 14:17 -
Gjenerali që udhëhoqi bombardimet, Wesley Clark: Ambiciet ruse pengojnë stabilitetin mes Kosovës dhe Serbisë
10 Qershor, 11:09 -
Shefi i EULEX-it: Banjska e ka dëshmuar brishtësinë e veriut
9 Qershor, 16:48 -
SHBA: Procesi i Brukselit e vetmja rrugë për zgjidhjen e problemeve Kosovë – Serbi
7 Qershor, 07:53 -
U arrestua në Merdarë nga Serbia si i akuzuar për krime lufte, reagon DASH: Institucionet serbe të garantojnë proces të drejtë
5 Qershor, 16:34
