anka Europiane për Rindërtim dhe Zhvillim (BERZH) ka miratuar marrëveshjen e bashkëpunimit me disa ndërmarrje private në Maqedoni, për të ndërmjetësuar (si kolateral) kreditimin e tyre në investimet që do të ndërmarrin.
Sipas një njoftimi për shtyp, BERZH bën të ditur se, sipas kushteve të investimeve, banka do të regjistrohet si aksioner i përbashkët i kompanisë, duke përfaqësuar rreth 20 për qind të kapitalit aksionar të kompanisë.
Shuma e abonimit të BERZH në këto marrëveshje do të përdoret për të financuar përgatitjen e studimit të fizibilitetit, si një pjesë e rëndësishme e zhvillimit të ardhshëm të kompanisë.
Me këtë projekt, BERZH do të jetë promovimi i praktikave më të mira në administrimin e mjedisit dhe angazhimit social. Kjo gjithashtu do të jetë projekti i parë i parazhvillimit në rajon që do të financohet, duke përdorur metoda financimi që është e popullarizuar në Australi dhe Amerikë në financimin e eksplorimit dhe zhvillimit të projekteve të tyre.
"Ne jemi krenar që do të mbështesim zhvillimin e përgjegjshëm të ndërmarrjeve private. Ky është një transaksion i rëndësishëm për BERZH-in, siç është investimi i parë i EBRD që ajo është duke e bërë. Vlera e këtij projekti për BERZH shtrihet jo vetëm në Maqedoni por edhe në rajon, "tha Drejtori i Burimeve Natyrore në BERZH, Eric Rasmussen.
"Projekti do të ndihmojë në zhvillimin e mëtejshëm të ekonomisë së Maqedonisë dhe në të njëjtën kohë sjell risi. BERZH është krenar të jetë duke punuar me investitorët e rinj privatë dhe diversifikimin e mundësive te tregut, "tha Anca Ioana Ionesku, Shef i Zyrës së Përhershme të BERZH për Shkupin.
BERZH filloi investimin në ekonominë e Maqedonisë IRJ në vitin 1993. Deri më tani ka nënshkruar mbi 90 projekte./ATSH/