Besimtarë bektashinj kanë kremtuar ditën e Hashures sot në qytetin e Beratit, e cila konsiderohet si dita më e rëndësishme për ta. Dita e Ashures cilësohet si dita e martirizimit të Imam Husejnit, i cili u rrethua në shkretëtirën e Qerbelasë 1400 vite më parë dhe u vra së bashku me një numër të madh besimtarësh të tjerë për të shpëtuar fjalën e vërtetë të Zotit dhe Islamin.
Me rastin e kësaj u zhvillua një aktivitet nga Vllavejinia e Tarikait Islam në Berat.
"Besimtarët bektashinj tregojnë se kjo ditë e shenjtë është shumë e rëndësishme dhe urojnë vetëm jetë e begati për të gjithë. Festa e Hashures vjen pas 10 ditësh agjërimi gjatë të cilave përkujtohet sakrifica e besimtarëve bektashinj. E gjithë bota myslimane e kujton këtë ditë si ngjarjen më të dhimbshme në historinë e njerëzimit. Origjina e festës nis nga Iraku.
Në fushën e Qerbelasë, 1400 vjet më parë u masakruan nipi i profetit Muhamed, Imam Hyseni, së bashku me 72 dëshmorë. Dita e Ashures njihet si dita e martirizimit të imam Husejnit, i cili u rrethua në shkretëtirën e Qerbelasë nga një ushtri agresore, së bashku me 72 shokët e tij u martirizua. Dita e Ashures është dita e fundit e Matemit, ku mblodhen te gjitha ushqimet dhe i perzien në nëe kazan të madh dhe i konsumuan, prandaj quhet dhe dita e ashures", ka thënë Sheh Ali Xhemil Hoxha Rifai
Më pas të gjithë besimtarët bektashinj kane konsumuar ashure e përgatitur nga ky komunitet.