'Beteja Presidenciale'/ Trump: Padi penale në shtet që ka fituar së fundmi demokrati! Ne do të fitojmë! Gjykatësi i Georgias hedh poshtë padinë! Biden sheh fitoren, por s'e arrin dot! Ngadalësohet numërimi i votave!

Epërsia e Donald Trump ndaj Joe Biden në Georgia është ngushtuar akoma më shumë në 10 mijë vota.

Trump kryeson me 49.3 % ndërsa Biden me 49.5 % të votave. CNN raporton se e njëjta gjë po ndodh dhe në Pensilvani.

Joe Biden u shpreh me optimizëm rreth rezultateve të zgjedhjeve dhe numërimit të votave, duke shprehur bindjen tek fitorja. Në një deklaratë për mediat, Biden tha se duhet që të qëndrojnë të qetë dhe të presin përfundimin e procesit.

"Nuk kam dyshim se kur të mbarojë numërimi i votave, Kamala Harris dhe unë do të shpallemi fitues. Unë kërkoj nga të gjithë të qëndrojnë të qetë, numërimi është duke u zhvilluar dhe ne do t'i dimë së shpejti. Në Amerikë vota është e shenjtë, çdo votë duhet të numërohet. Faleminderit për durimin tuaj" - deklaroi Biden.

Ekipi i Trump ngriti një padi të re këtë të enjte kundër zyrtarëve të zgjedhjeve në Filadelfia me pretendimin e shkeljes së procesit të numërimit të votave.

Sipas BBC, kjo padi nuk përfshin detaje mbi shkeljet e pretenduara. Ky është një pretendim i ri në gjykatën federale që pretendon shkelje të kushtetutës në vend.

Sekretari i shtetit të Pensilvanisë, një shtet kyç në garën për Shtëpinë e Bardhë me 20 vota elektorale, thotë se emri i fituesit të zgjedhjeve presidenciale të ShBA mund të publikohet sot. 

Tani për tani presidenti në detyrë, Donald Trump, po udhëheq me 50.2 % të votave të numëruara ndërsa Joe Biden me 48.5 %.

Numërimi i votave elektronike në Pensilvani ka rifilluar sërish pas bllokimit të procesit pas pretendimit të Trump për mashtrim.

Gara për 20 vota elektorale është bërë më e ngushtë ku diferenca mes tyre është 115 mijë ndërkohë që vetëm një ditë më parë ishte 600 mijë.

Aktualisht në Pensilvani kanë mbetur pa numëruar 369 mijë vota.

Një prej gjykatësve të Michigan-it ka hedhur poshtë kërkesën e Trump për pezullimin e numërimit të votave. Tashmë ky shtet u fitua nga Joe Biden me një diferencë mbi 4 % të votave.

Menaxherja e fushatës së Joe Biden, Jen Malley Dillon, ka shprehur besimin se numërimi do të vazhdojë . Për këtë ai kërkoi qetësi dhe durim. Ai u shpreh optimist për fitoren në Arizona, por i vetëdijshëm që diferenca do të jetë shumë e ngushtë me Trump.

"Ne presim që diferenca të jetë e ngushtë. Kjo është trajektorja, ne do të fitojmë me dhjetëra mijëra vota, por diferenca do të jetë e ngushtë", tha ai.

TIRANË- Gazetarja e Zërit të Amerikës, Menada Zaimi ka bërë një panoramim të plotë të situatës në SHBA, mbi procesin e numërimit, por edhe debatet mes dy kampeve.

Në analizën e saj, deklaratat e bëra qoftë nga Trump që akuzon për vjedhje votash, por edhe nga Biden që është treguar i kujdesshëm, kanë ardhur si rezultat i një rezultati shumë të ngushtë që kanë me njëri- tjetrin.

Edhe fushatën ajo e ka cilësuar si të ashpër mes dy kandidatëve.

"Deri në këto momente Biden është në avantazh, ka epërsi në disa zona që e ngrenë potencialisht që e ngrenë në nivelin e 270 votave që i nevojiten. Biden në avantazh në mbi 68 mijë vota. Interesante po bëhet dhe në Nevada, kështu Biden do i mjaftonte Nevada me Arizonën për t'u shpallur fitues. Gazë interesante është edhe në Pensilvani, ku një pjesë e madhe e votave është me postë ku numri më i madh shkojnë për demokratin. Karolina e Veriut është interesante, ku Trump është në avantazh, gara është mjaft e ngushtë, rezultati i Karolinës së Veriut do të jepet pas 12 nëntorit, pasi janë në pritje të votave me postë.

Biden bëri një deklaratë ku tha që nisur nga të dhënat që fushata e tij ka lidhur me këto shtete, kanë shanse të mira për të fituar, ai nuk shkoi më tej duke u shpallur fitues,ndërkohë Trump ka kundërshtuar procesin zgjedhor, ka pasur shumë përplasje mes dy kampeve sepse republikanët kanë pasur akuza të vazhdueshme.

Rezultati është i tillë që imponon një lloj agresiviteti të palëve, kemi pasur një fushatë shumë agresive.

Përgjithësisht ka qenë e qetë, por dy muaj më parë ka qenë disi më i vrullshëm, ka qenë mjaft i qetë, situata është pak më komplikuar pranë shtëpisë së Bardhë, por kanë qenë përgjithësisht të qeta, duke qenë se janë edhe 6 shtet të fundit që po numërohet atje është përqendrimi më i madh", tha Zaimi.

Joe Biden është në avantazh në Nevada me 12,000 vota përpara ndaj Donald Trump.

Një gjykatës i Georgias hedh poshtë gjyqin e filluar nga ekipi i Donald Trump mbi mashtrimin e votave.

Në apelin e tij, Trump kishte kërkuar të siguronte respektimin e ligjeve për votimin me postë.

Donald Trump ka reaguar sërish në vazhdën e akuzave se po vidhen votat.

"Të gjitha shtete e fituara së fundmi  nga Biden do të kontestohen dhe do të ndiqen ligjërisht për vjedhje të votës. Shumë prova, thjesht të shikoni mediat. Ne do të fitojmë Amerika e Para", shkruan Trump.

Në shtetin e Georgias ka 61,367 vota ende për tu numëruar ku Biden dhe Trump qëndrojnë shumë afër.

Kjo u njoftua nga Sekretari i Shtetit, Brad Raffensperger. Sipas CNN, presidenti aktualisht ka një avantazh prej 18,000 votash mbi kandidatin demokrat.

Presidenti Donald Trump ka reaguar përmes një postimi në Twitter. Ai shkruan se ka fituar betejën ligjore në Pensilvani.

"Fitorja e madhe ligjore në Pensilvani!" - shkruan Trump.

Por prokurori i përgjithshëm i Pensilvanisë Josh Shapiro kritikoi fushatën e Presidentit Donald Trump për paraqitjen e një apeli në një përpjekje për të ndaluar numërimin e votave.

Prokurori i Përgjithshëm i Pensilvanisë Josh Shapiro kritikoi fushatën e Presidentit Donald Trump i cili kërkon që të ndalet numërimi për votat që kanë mbërritur pas datës 3. "Unë nuk do të lejoj askënd të ndalojë votimin. Këto janë vota të ligjshme dhe do të numërohen", siguroi ai. "Mjaft me retorikën, fushata ka mbaruar," shtoi ai.

Donald Trump po përgatitet të fillojë veprime ligjore në Nevada. Sipas lajmeve të raportuara nga mediat ndërkombëtare, stafi i presidentit që t'i drejtohet gjyqit pasi sipas tij rreth 10,000 qytetarë kanë votuar ilegalisht.

Fushata e Donald Trump ka marrë leje nga një gjyqtar për të hyrë në ndërtesën ku numërohen votat postare në Filadelfia dhe për të vëzhguar rregullsinë e gjyqit.

Pensilvania, me 20 votat e saj elektorale, është një nga shtetet që mund të heqë ekuilibrin përgjithmonë në favor të Joe Biden ose të mbajë gjallë shpresat e Trump.

Përplasen sërish Trump dhe Biden për vlefshmërinë e votave të dërguara nëpërmjet postës. Presidenti amerikan pas njoftimit të pak minutave më parë ku kërkonte të ndalohej numërimi i votave. Ka bërë edhe një postim tjetër në të cilin theksonte se asnjë votë e cila arrin me anë të postës këto ditë nuk do të numërohet. Megjithatë një postimi i tillë i Trump është fshirë brenda pak minutash nga Twitteri. 

" çdo votë e ardhur pas ditës së zgjedhjeve nuk do të numërohet " ,kishte deklaruar Trump, por një deklaratë e tillë është hedhur fshehur nga rrjeti social. 

Ndërkohë që kandidati demokrat me anë të një video mesazhi në Facebook theksoi se asnjë votë nuk do të ngelë e panumëruar. 

Prej orësh presidenti amerikan nuk kishte reaguar ndaj zhvillimeve të fundit në fushatën zgjedhore, por me anën të një postimi në Twitter kërkoi që të ndalohen numërimet e votave. 

Ndërkohë që deri në këtë moment ekipi elektoral i presidentit ka ngritur padi ndaj procesit zgjedhor të mbajtur në Nevada, Michigan, Giorgia dhe ka kërkuar rinumërim në Uiskonsin, të gjitha këto shtete vendimtare në përcaktimin e rezultatit përfundimtar. 

Ekipi elektoral i presidentit Donald Trump ka njoftuar se do të nisër një proces gjyqësor në Nevada, me pretendimin e mashtrimit të votuesve.  

Ric Grenell, ish-drejtori i Inteligjencës Kombëtare,do  të mbajë një konferencë shtypi  në Las Vegas për të njoftuar se fushata Trump po paraqet një proces gjyqësor, duke kërkuar të ndalojë numërimin e votave që arrijnë pas 3 Nëntorit në qendrat e numërimit. 

Fushata Trump pretendon se të paktën 10,000 njerëz votuan në atë shtet pavarësisht se nuk jetonin më atje.
 

SHBA ende nuk ka një emër fituesi në zgjedhjet presidenciale teksa vëmendja është përqendruar në shtetet e lëkundura.

Procesi i numërimit të votave vijon ndërkohë në Karolinën e Veriut, Nevada, Pensilvani, Alaska dhe Georgia. Megjithatë orët e vona të së mërkurës është njoftuar se ekipi elektoral i Trump ka paraqitur ankesa ligjore në shtetet e Pensilvanisë dhe Miçiganit, që mund të shërbejnë si bazë për të kundërshtuar rezultatin në këto shtete ende pa rezultat përfundimtar dhe që mund të jenë përcaktuese nëse presidenti do të sigurojë edhe një mandat të dytë.

Avokatët e presidentit kërkojnë ndalimin e përkohshëm të numërimit në të dy shtetet, derisa vëzhguesve t'u krijohet një qasje "domethënëse" në shumë qendra ku numërohen votat dhe të lejohen të shikojnë fletë-votimet që janë nxjerrë nga zarfet dhe janë përpunuar, ndërkohë që kërkohet rinumërimi i votave në Uiskons.

Si funksionon rinumërimi i votave  dhe a mundet Trump ta kërkojë këtë gjë?

Nevada, shtet i cili ka një epërsi  të Biden me 7,500 vota dhe që përcakton 6 vota elektorale. Shteti nuk parashikon rinumërim automatik të votave, por një kandidat i cili ka humbur, mund të kërkojë rinumërim, brenda tre ditësh pasi të ketë përfunduar numërimi i votave., me kushtin që koston e rinumërimit  e paguan kandidati.

Uiskonsin, aktualisht e kryesuar nga Biden dhe që i siguron atij 10 vota elektorale. Nuk ka rinumërim automatik votash, por është i mundur nëse përqindja e humbjes është më e vogël se 1%. Kërkesa duhet të bëhet në ditën e parë pas numërimit të votave.

Miçigan,mund të bëhet rinumërim automatik nëse diferenca është më pak ose e barabartë me 2,000 vota. Kërkesa për rinumërim duhet të bëhet brenda 48 orësh pas përfundimit të numërimit të votës.

Pensilvania, ofron mundësinë e rinumërimit automatik, nëse diferenca m,es dy kandidatëve është më e vogël se 0.5%. Ky është shteti ku numërimi po ecën me hapa më të avashtë.  Kryesimi i Trump është zvogëluar jashtëzakonisht shumë dhe tani është me 165,000 vota, ndërkohë që kanë ngelur 11% e totalit .

Joe Biden sheh vijën e finishit por s'e arrin dot, pasi Donald Trump ka bërë avantazhe në disa shtete.

Arsyeja se përse Biden e sheh vijën e finishit por nuk e prek dot atë është vonesa në numërimin në shtetet e fundit të mbetura, shoqëruar me disa ndryshime të papritura. Le të shohim cilat janë këto ndryshime.

Arizona. Ky shtet ishte caktuar si vendimtar për fitoren e Biden, por Trump ka rikuperuar shumë. Dhe madje pritet të ketë më shumë përparime në vazhdim. Drejtimi i Biden tani ka rënë në 69,000 vota, nga një total prej 2.8 milion.

Në Nevada numërimi vazhdon, por zyra zgjedhore shtetërore nuk ka dhënë ndonjë azhurnim për gati 24 orë. Me 14% të votave të humbura, Biden kryeson me 7,500 vota. Nevada ka 6 vota të cilat më herët u konsideruan si vendimtare pasi mund ti jepnin atij fitoren.

Pensilvania është shteti ku numërimi vijon më ngadalë. Kryesimi i Trump është zvogëluar jashtëzakonisht shumë dhe tani është me 165,000 vota (dje ishte mbi 300,000). Votat e pa numëruara janë 11% me totalin prej 500,000, por pothuajse të gjitha vijnë nga Filadelfia dhe Qarku Allegheny (Pittsburgh), ku Biden duhet të ketë një avantazh të madh. Dhe ai mund ta arrijë atë. Pensilvania ka 20 vota elektorale.

Xhorxhia- Këtu, 4% e fletëve të votimit, rreth 160,000, të mbërritura me postë ende s'janë numëruar. Shumica janë në qarqet përreth Atlantës, me shumicë demokratike. Biden, i cili ka vetëm 18,000 vota prapa, është në përparim dhe mund të kryesojë. Gjeorgjia ka 16 vota.

Carolinia e veriut. Këtu rezultatet përfundimtare mund të mbërrijnë brenda një jave, për shkak të ligjit zgjedhor në fuqi në këtë shtet. Me 95% të votave të numëruara, Trump ka një epërsi prej 77,000 votash. Por mund të shkojë më lart. Karolina e Veriut ka 15 vota elektorale.

Gjeorgjia pothuajse në të njëjtin nivel: 23 mijë vota nga 4.8 milion. Avantazhi i Trump arrin në lart (shumë pak) kur 5% e fletëve të votimit për t'u kontrolluar ende mungojnë. Ndërsa numërimi i votave postare përparon, Biden u afrua gjithnjë e më afër dhe tani parakalimi mund të jetë i arritshëm. 

Në një deklaratë të OSBE-së,  është shprehur tejet e shqetësuar për deklaratat e presidentit amerikan për të mos marrë në konsideratë votat që arrijnë me postë pas datës 3 Nëntor. Sipas OSBE-së asnjë politikan nuk duhet të kufizojë të drejtën e njerëzve për të votuar.

“Askush, asnjë politikan, asnjë zyrtar i zgjedhur, nuk duhet të kufizojë të drejtën e njerëzve për të votuar. Vjen pas një fushate kaq dinamike, duke u siguruar që çdo votë të numërohet është një detyrim themelor për të gjitha degët e qeverisë,”- tha Michael Georg Link, Koordinator Special dhe Drejtues i misionit vëzhgues afatshkurtër të OSBE.

OSBE deklaruan se këto pretendime të Trump janë të pabazuara dhe kanë shumë mangësi dhe ato dëmtojnë rëndë besimin e publikut në institucionet demokratike të vendit.

Sipas OSBE, procesi i votimeve ishte i vështirë dhe konkurrues me një shkallë të lartë angazhimi nga punonjësit e zgjedhjeve dhe qytetarët, megjithatë ishte i menaxhuar mirë nga autoritetet zgjedhore.

Pandemia COVID-19 sipas organizatë ka ndikuar thellësisht në mënyrën e organizmit dhe mbajtjes së zgjedhjeve, megjithatë masat e marra nga administrata amerikane u dhanë mundësinë qytetarëve amerikanë të shprehin vullnetin e tyre.

Një tjetër theks të veçantë OSBE, i vë rritjes së pjesëmarrjes së grave  në politikë është rritur gjithashtu, por theksoi se ajo duhet të shkojë edhe më tej.

Misioni ndërkombëtar i vëzhgimit të zgjedhjeve në Shtetet e Bashkuara arriti në 102 vëzhgues nga 39 vende, të përbërë nga 50 ekspertë dhe vëzhgues të vendosur në ODIHR dhe 52 parlamentarë dhe staf nga PA OSBE.

(Kliko këtu për të lexuar deklaraten e OSBE)

Fati i presidentit të ardhshëm të SHBA pritet të përcaktohet nga rezultati zgjedhor në Pensilvani, vendlindja e kandidatit demokrat,  ku procesi i numërimit të votave vazhdon ende pavarësisht përpjekjeve të vazhdueshme të mbështetësve të Trump për ta ndaluar atë.

Përfaqësuesit republikan kanë deklaruar se demokratët po përpiqen të rrëmbejnë votën në Pensilvani. Zëvendës menaxheri i fushatës Justin Clark tha se demokratët ishin "duke menduar të heqin të drejtën dhe të zbehin votat e Republikanëve".  Megjithatë duhet theksuar se nuk ka pasur raporte për mashtrim ose parregullsi.
Epërsia e dukshme në Pensilvani po ngushtohet orë pas ore.  Me  më shumë 90% të votave të numëruara Trump udhëheq megjithatë ka rënë ndjeshëm epërsia e tij.
Fletëvotimet e jashtëzakonshme duket se favorizojnë Biden, pasi 63% e votave të nisura me postë janë dërguara nga elektorati demokrat.
Me 20 vota për kolegjin elektoral, Pensilvania është  shteti që për 6 gara rresht ka votuar për demokratët dhe në 2016 mbështeti Trump.

Kanë ngelur shumë pak orë në bërjen publik të emrit të personit i cili do të drejtojë SHBA për 4 vitet e ardhshme, megjithatë në shumë shtete të vendit kanë filluar të shfaqen përplasjet e para.

Në disa prej shteteve kryesore në përcaktimin e rezultatit pati protesta masive dhe përplasje me policinë. Në Miçigan, mbështetësit e Trump u mblodhën jashtë një qendre votimi në Detroit duke u kërkuar zyrtarëve të ndalonin numërimin e votave. Oficerët e policisë u rreshtuan jashtë qendrës për t’i ndalur protestuesit të futeshin brenda. 16 votat elektorale të shtetit janë përcaktuese në përcaktimin e presidentit të ardhshëm të vendit.

Probleme ka pasur edhe në Arizona, një shtet i cili momentalisht kryesohet nga Biden, por epërsia e tij është ngushtuar dukshëm.

Mbështetësit e Trump gjatë natës janë mbledhur jashtë ndërtesës për të protestuar dhe pretendojnë se votat po vidhen. Megjithatë, vëzhguesit e të dy partive kryesore politike qëndronin brenda qendrës zgjedhore ndërsa fletët e votimin numëroheshin dhe procedura transmetohej drejtpërdrejt në internet gjatë gjithë kohës.  Fillimisht forcat policore kanë larguar nga qendra përfaqësuesit e mediave ndërkohë që kanë ndihmuar të vazhdojë edhe procesi i numërimit. Qendra e votimit në Marisopa të Arizonës ka falënderuar departamentin e policisë për ruajtjen e sigurisë ndërsa punonjësit vazhdojnë me numërimin e votave dhe jashtë qendrës, mbështetësit e Trump protestojnë të armatosur.