POP 5

Lajmet më të lexuara të 5 minutave të fundit

Sport

Bilardo/ Julian Xhafa kampion kombëtar: I lumtur, niveli shumë i lartë! Shpërblimet, bilardisti lë Greqinë për Shqipërinë

Julian Xhafa, sportisti nga Fieri, është shpallur kampion kombëtar në disiplinën e 9-shit në bilardo. Për Report TV ai pohoi se niveli ishte shumë i lartë, ndërsa presidenti i federatës ishte i kënaqur me angazhimin e të rinjve në këtë sport.

Është zhvilluar këtë fundjavë në Tiranë kampionati kombëtar i bilardos në disiplinën e 9-shit ku fitues pas më shumë se 15 orësh lojë u shpall sportisti i Fierit Julian Xhafa. Në finale mposhti 9 me 7 me lojë bilardistin e Teutës Kushtrim Prenga, ndërsa për fierakun ky ishte viti i 22 që merr pjesë në kampionat.

“Jam shumë i kënaqur sepse niveli këtu është shumë I fortë. E prisja këtë rezultat sepse jemi stërvitur në ambiente që duhet të Apolonia, me sallën e vet. Me punë bëhet gjithçka,”-u shpreh Julian Xhafa, kampion i bilardos.

Në kampionatin kombëtar të bilardos këtë vit mori pjesë edhe një sportist nga Maqedonia e Veriut Dritar Bajrami i cili shkoi deri në gjysmëfinale, ndërsa kishte edhe të tjerë të rikthyer në vendlindje pas përfaqësimit të Greqisë.

“Jam shumë i kënaqur që jam rikthyer në vendin që kam lindur në Kombinat. Tani kam filluar të luajë prap me Shqipërinë, pasi në 2014 ndalova bilardon pasi u mora me biznes. Ishalla ecim si më parë kur dola dy herë rresht i treti në Europë. Tani shpresojmë për më mirë,”-tha Nikolaos Malai, bilardist.

Për federatën e bilardos më me rëndësi sesa fituesi është masivizimi i këtij sporti.

“Këtë kampionat nga 84 bilardistë 28 ishin djem të rinj. Kjo na dha një frymëzim dhe ka ardhur edhe për shkak të bashkpuntorëve të mi në rrethe,”-u shpreh Edmond Loku, president i federatës së bilardos.

Arsyeja e vëmendjes apo rikthimit të sportistëve në bilardo janë edhe shpërblimet për fituesit.

“Kishim mbështetje si ashier më parë nga vetë kryeministri, i cili bëri të mundur që Eklent Kaçi si kampion bote të merrte shpërblimin 100 milionë lekë të vjetra,”-deklaroi Edmond Loku, president i federatës së bilardos.

Kampionati kombëtar i bilardos ka nisur të zhvillohet në vendin tonë për herë të parë në vitin 2002.

Ne.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Si zgjidhen problemet me pronat, korrupsioni dhe digjitalizimi i Kadastrës, gjetjet dhe rekomandimet e ekspertëve në Komisionin Antikorrupsion

Si zgjidhen problemet me pronat, korrupsioni dhe digjitalizimi i Kadastrës, gjetjet dhe rekomandimet e ekspertëve në Komisionin Antikorrupsion

27 Nëntor, 21:56