POP 5

Lajmet më të lexuara të 5 minutave të fundit

Ekonomi

Shtyhet në 2021 parapagimi këstit të tatimit mbi fitimin për turizmin dhe call center, biznesi i madh rifillon pagimin e këstit në tetor 2020

Të gjitha bizneset e vogla dhe të mesme me qarkullim vjetor deri në 14 milionë lekë nuk do te paguajnë këstet e parapagimit të tatim fitimit, për vitin 2020. Këto parapagesa kryhen për çdo tremujor bazuar në fitimin e një viti më parë.

Të gjitha bizneset e vogla dhe të mesme me qarkullim vjetor deri në 14 milionë lekë nuk do te paguajnë këstet e parapagimit të tatim fitimit, për vitin 2020. Këto parapagesa kryhen për çdo tremujor bazuar në fitimin e një viti më parë.

Duke marrë parasysh faktin që shume nga ndërmarrjet e vogla dhe të mesme u mbyllën me vendim të Ministrisë së Shëndetësisë për të mos lejuar përhapjen e COVID-19, xhiroja e tyre është reduktuar ndjeshëm, për këtë arsye edhe këshilli i ministrave ka marrë këtë vendim.

Po ashtu është bërë lehtësi duke iu shtyrë parapagesat për vitin tjetër bizneseve në sektorin e turizmit, e të përpunimit aktiv me material porositësi si dhe call center.

“Parapagimet”, të këtij ligji, këstet e tatimit mbi fitimin për periudhat tatimore prill-dhjetor 2020, për tatimpaguesit që zhvillojnë veprimtari ekonomike në fushën e turizmit e të përpunimit aktiv me material porositësi dhe call center nuk do të parapaguhen. Pagesat e këtyre kësteve shtyhen në periudhën prill-dhjetor 2021", thuhet në Aktin Normativ të Këshillit të Ministrave.

Ndërkohë nga përjashtimi nuk përfitojnë tatimpaguesit që zhvillojnë veprimtari ekonomike në fushën e veprimtarisë bankare, të telekomunikacionit, të tregtimit të produkteve farmaceutike, të produkteve ushqimore dhe fruta-perimeve, pasi aktiviteti i tyre ka vijuar normalisht edhe gjatë kohës së marrjes së masave Anti Covid-19 dhe do të paguajnë parapagimin në muajin tetor. Pra shumica e bizneseve të mëdha do të paguajnë këstin e tyre në muajin tetor të këtij viti.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Tragjedia në Shkodër, a duhet gratë të denoncojnë çdo formë dhune?

Lajme të tjera



×

Lajmi i fundit

Misioni përmbysje për finalen Champions, Enrique para Dortmundit: Të shënojmë të paktën një gol për shtesën

Misioni përmbysje për finalen Champions, Enrique para Dortmundit: Të shënojmë të paktën një gol për shtesën

6 Maj, 18:58