'Black Eagle', nis gjyqi për 40 të pandehur në Belgjikë, rrjeti i drogës me drejtues shqiptarë doli zbuluar nga 'SKY ECC'

'Black Eagle', nis gjyqi për 40 të pandehur në Belgjikë, rrjeti i drogës me drejtues shqiptarë doli zbuluar nga 'SKY ECC'

Dyzet persona të përfshirë në trafik ndërkombëtar droge kanë dalë në gjyq ditën e sotme në Gjykatën Penale të Brukselit. Hetimi ndaj tyre nisi në shtator 2020 pas zbulimit të disa kilogramëve kanabis dhe një sasie të madhe acetoni në një kuti.

Çështja mori një dimension tjetër nga të dhënat e deshifruara në aplikacionin e mesazheve SKY ECC që u përdor nga anëtarët e grupit kriminal për të komunikuar fshehurazi.

Falë deshifrimit të komunikimeve, policia mundi të identifikonte kontaktet në disa vende të Amerikës së Jugut, të specifikonte mënyrën e operimit të trafikantëve dhe të detajonte strukturën e organizatës.

Rrjeti kriminal, drejtues i të cilit janë të pandehurit e kombësisë shqiptare A.H, I.K dhe A.I, dyshohet se ka importuar disa ton kokainë, veçanërisht nëpërmjet portit të Antëerpen.

Sipas informacionit të mbledhur nga RTBF, droga ishte e fshehur në mallra të ligjshme si tul frutash. Hetimet çuan në sekuestrimin e një fuçie me lëng, në të cilën ishte holluar ekuivalenti i 600 kilogramëve kokainë.

Trafikantët përdorën teknikën e hollimit të drogës në produkte në dukje të padëmshme për të anashkaluar më lehtë kontrollet policore dhe doganore. Anëtarët në shkallën e poshtme të organizatës, të quajtur “kuzhinierë” ose “kimistë”, ishin përgjegjës për nxjerrjen e kokainës nga mallrat në laboratorët klandestinë.

Për t’i dhënë lëndës narkotike formën e tyre të shitjes në tregun ilegal, ata përdorën kimikate, si aceton. Hetimi u shtri në disa vende evropiane. Më 15 shkurt 2022, në Belgjikë u kryen afro 50 kontrolle. Gjashtëdhjetë të tjera u zhvilluan njëkohësisht në Spanjë, Itali, Gjermani, Kroaci dhe Holandë.

Të dyshuarit, disa prej të cilëve janë ende në kërkim, do të gjykohen në Bruksel për shkelje të legjislacionit të drogës, zhvatje, vjedhje, falsifikim, pastrim parash dhe shkelje të legjislacionit për armët.

B.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A jeni dakord që personat e së njëjtës gjini të martohen ligjërisht?



×

Lajmi i fundit

Laskarina Bubulina dhe arvanitasit/ Auron Tare: Nuk kanë asnjë kontribut në çështjen shqiptare! Llalla: Janë vendas në Greqi, jo ardhacakë

Laskarina Bubulina dhe arvanitasit/ Auron Tare: Nuk kanë asnjë kontribut në çështjen shqiptare! Llalla: Janë vendas në Greqi, jo ardhacakë