POP 5

Lajmet më të lexuara të 5 minutave të fundit

Ekonomi

Blegtoria në rënie/ Qeveria lehtëson blerjen nga jashtë të bagëtive, hiqet TVSH-ja në import për kafshët e gjalla

Për të shtuar numrin e bagëtive në vend qeveria ka vendosur të heqë pagesën e TVSH-së në import kur blihen kafshë të gjalla nga jashtë. Ky ndryshim që është pjesë e paketës fiskale, ndërmerret në kushtet e krizës që ka përfshirë sektorin blegtor, pasi numri i krerëve është ulur ndjeshëm.

Blegtoria në rënie/ Qeveria lehtëson blerjen nga jashtë të bagëtive, hiqet TVSH-ja në import për kafshët e gjalla

Foto ilustruese

Kriza që ka përfshirë sektorin blegtor ku numri i bagëtive është në rënie të thellë, ka detyruar qeverinë të lehtësojë importin e kafshëve.

Si pjesë e paketës fiskale të vitit 2024 qeveria ka parashikuar që të bëjë ndryshime në ligjin për Tatimin mbi Vlerën e Shtuar i cili parashikon përjashtimin nga tatimi mbi vlerën e shtuar për importimin e mëshqerrave dhe insekteve.

Propozimi për të hequr TVSH-në në import për gjedhë, dhen, dhi, derra dhe njëthundrakë është bërë nga deputeti i PS-së Erion Braçe. Sipas relacionit ky ndryshim i bërë, synon nxitjen e importit të tyre me qëllim, rritjen e numrit të krerëve në vendin tonë, zhvillimin e sektorit të bletarisë, stimulimin e prodhimit bio dhe përdorimin e metodave inovative në bujqësi për kontrollin biologjik të insekteve të dëmshme.

“Ky propozim synon nxitjen e importit të mëshqerrave dhe insekteve (përfshirë edhe bletët), me qëllim rritjen e numrit të krerëve në vendin tonë, zhvillimin e sektorit të bletarisë, stimulimin e prodhimit bio, duke eliminuar përdorimin e hormoneve dhe praktikave të zakonshme, si dhe përdorimin e metodave inovative në bujqësi për kontrollin biologjik të insekteve të dëmshme, e cila, për rrjedhojë, do të ndikojë pozitivisht në, rritjen e cilësisë së produkteve dhe përmirësimin e imazhit të produkteve vendase, brenda dhe jashtë Shqipërisë”, thuhet në relacionin e projektligjit për ndryshimin e TVSH-së.

Buxheti i shtetit do të humbasë ka ky përjashtim vetëm 155 milionë lekë.

Blegtoria në vitet e fundit ka shënuar rënie në vend për shkak të shpopullimit të zonave rurale dhe jo vetëm. Sipas të dhënave të INSTAT në vitin 2022 numri i krerëve të bagëtive që prodhojnë qumësht, gjedhë, dele dhe dhi pësoi rënie me 8.3% në krahasim me vitin 2021.

Rënia më e madhe u regjistrua tek gjedhi që pati 39 mijë krerë më pak se në 2021. Po ashtu edhe numri i deleve, derrave apo pulave u ul ndjeshëm në vitin e kaluar, duke u përkthyer në rritje të çmimit për produktet e bulmetit dhe të mishit për konsumatorët pasi ka më pak prodhim.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Ndergjegja: 01/11/2023 09:49

    Cthua keshtu,po na habit e bubit fare. Si mund te ndodhe keshtu kur qeveria jone e lartmadheris tij/saj eshte e para dhe e vetmja ne rruzullin tokesor qe NGRITI AKADEMINE E BARINJVE SHQIPTAR.....

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu