Inflacioni i lartë i dy viteve të fundit që ka rritur kostot e jetesës ka detyruar qeverinë të ndërhyjë në ligjin për akcizat në vend. Pjesë e paketës fiskale për 2024-n është kufizimi i rritjes së akcizës me normën e inflacionit, rregull i vendosur në vitin 2021.
Vendimi parashikon që akciza të rritej me normën e inflacionit të mbledhur të dy viteve të fundit, por për shkak të normave të larta të inflacionit në 2022 dhe 2023, ky rregull do të ndryshohet.
Sipas relacionit të projektligjit, akciza për karburantin, për pijet alkoolike, për kafen apo për produktet energjetike nuk do të rritet bazuar në normën e inflacionit por vetëm 1.5%. Kurse për produktet dhe nënproduktet e duhanit, akciza do të vazhdojë rritjen e parashikuar.
“Nëse nuk do të bëhet ky kufizim, niveli i akcizave nga janari 2024 duhet të rritet +11,5 % dhe nëse edhe në vitet në vijim inflacioni do të rezultojë në nivele mbi normale, indeksimi do 2 ndikojë në rritjen e çmimeve të mallrave, të tilla, si karburantet, pijet alkoolike, birra, vera”, thuhet në relacionin e projektligjit për procedurat tatimore.
Efekti i parashikuar në buxhetin e shtetit pritet të jetë rreth 1.5 miliardë lekë, ku rreth 500 milionë lekë do të sigurohen nga indeksimi i akcizës çdo dy vite dhe pjesa tjetër nga rritja e akcizës së duhanit.
Pjesë e paketës fiskale është ndryshimi i ligjit për procedurat tatimore me synim ashpërsimin e gjobave për bizneset që nuk plotësojnë në kohë detyrimet.
Konkretisht të gjitha subjektet që nuk paguajnë në kohë këstet e tatim fitimit korporativ dhe tatimit mbi të ardhurat personale do të paguajnë gjobë sa 0,06 për qind të shumës së detyrimit të papaguar për çdo ditë gjatë së cilës pagesa nuk është kryer, por jo më shumë se 365 ditë kalendarike. Pra gjoba do të jetë në përputhje me dëmin e shkaktuar në buxhet.
“Propozohet rregullimi i formës së llogaritjes së dënimit për mospagimin e kësteve të tatimit mbi fitimin korporativ dhe mbi të ardhurat personale, në përputhje me parimin e proporcionalitetit, në bazë të të cilit dënimi duhet të jetë në përputhje me efektin që ka prodhuar në buxhetin e shtetit mospagimi në afat i detyrimit tatimor, duke vendosur llogaritjen e gjobës si për të gjitha detyrimet e tjera tatimore të papaguara, në masën 0,06 për qind të shumës së detyrimit të papaguar për çdo ditë gjatë së cilës pagesa nuk është kryer, për një periudhë jo më të gjatë se 365 ditë kalendarike”, thuhet në relacionin e projektligjit për procedurat tatimore.
Një tjetër ndryshim i rëndësishëm, pjesë e paketës fiskale, është rritja e taksës së karbonit. Kështu sipas rekomandimeve të Bashkimit Evropian dhe OKB-së taksa e karbonit nga 3 lekë/ kg që paguhet nga industria e rëndë, si ajo e hekurit, çimentos dhe prodhimit të ferro-kromit, duke filluar nga 2024 dhe deri në 2030-ën, taksa do t’i përafrohet nivelit të 15.3 lekë/kg.
Lajme të tjera
-
Qeveria rishikon për herë të tretë buxhetin 2024/ Familjet me ndihmë ekonomike 150 euro për festa! Në pranverën e ardhshme pensionistët marrin 50 – 100 euro
20 Dhjetor, 16:58
-
Buxheti do rishikohet për herë tretë në dhjetor, Ministria e Bujqësisë kërkon 2 mld lekë për të likuiduar fermerët që kanë aplikuar për Skemën Kombëtare
13 Nëntor, 16:04
-
Qeveria shton fondin për KQZ, 20 milionë lekë për përgatitjen për zgjedhjet 2025
6 Nëntor, 18:38 -
Ndryshon për herë të dytë buxheti i shtetit, 76 vota pro në Kuvend! Ministri: Mbështesim bujqësinë e infrastrukturën! Tabaku: Kthejini paratë profesionistëve të lirë
13 Shtator, 00:25 -
Rishikimi i buxhetit/ PD: E gjitha për pasurimin e Ramës dhe oborrtarëve të pushtetit
31 Gusht, 15:48 -
Rishikimi i buxhetit/ Shkurtohen fondet për bujqësinë, i ikin 250 mln lekë! Infrastruktura merr 5.2 mld lekë
30 Gusht, 20:42
-
Rishikohet për herë të dytë buxheti i shtetit për vitin 2024, u rritën 27 mld lekë të ardhurat! Para për bujqësinë, skemë investimesh për fermerët
28 Gusht, 12:52
-
Brenda qershorit, rishikohet buxheti 2024! Rritje buxheti për Bujqësinë, përfshihet edhe një skemë garancie sovrane
10 Maj, 10:58
-
Lehtësi fiskale të rinjve të punësuar, një pjesë e tatimit mbi pagën do u kthehet mbrapsht! Taksim 23% vetëm për pagat mbi 250 mijë lekë
16 Prill, 16:26
-
Sektori që punëson 33% të shqiptarëve në krizë! Qeveria parashikon rritje me vetëm 11 mln euro të buxhetit për bujqësinë deri në 2027
7 Prill, 22:22
-
Tatimi i rrogave të larta pritet të ulet në qershor! 23 mijë qytetarë me pagë mbi 200 mijë lekë! Ministria e Financave po punon për fashat e reja
25 Mars, 15:56
-
Fasoneritë humbje 110 mln € prej rënies së euros, qeveria ju jep garancinë sovrane! Pro-eksport: Norma e interesit jo mbi 1.5%, shteti të garantojë 80% të kredisë
21 Shkurt, 16:31
